ନୂଆଦିଲ୍ଲୀ(ଏଟିଆର ବ୍ୟୁରୋ): ପତି ନିଖୀଲ ଜୈନଙ୍କଠାରୁ ଅଲଗା ହେବାର ଖବରକୁ ନେଇ ଚର୍ଚ୍ଚାର ତୃଶମୂଳ କଂଗ୍ରେସର ସାଂସଦ ତଥା ବଙ୍ଗଳା ଅଭିନେତ୍ରୀ ନୁସରତ୍ ଜହାଁ । ଏକ ବୟାନ ଜାରି କରି ପତି ନିଖୀଲଙ୍କ ଠାରୁ ଅଲଗା ରହିବାର ଖୁଲାସା କରିଛନ୍ତି ନୁସରତ୍ । ଏହାସହିତ ପତିଙ୍କ ବିରୋଧରେ ଅଭିଯୋଗ ଆଣିବା ପରେ ଏବେ ତାଙ୍କ ଇଂଷ୍ଟାଗ୍ରାମ ଏବଂ ଟ୍ୱିଟର ଆକାଉଣ୍ଟରୁ ତାଙ୍କ ବିବାହର ସମସ୍ତ ଫଟୋ ଡିଲିଟ କରିଦେଇଛନ୍ତି ।
୨୦୧୯ ମସିହାରେ ବିଜନେସମ୍ୟାନ ନିଖୀଲ ଜୈନଙ୍କୁ ତୁର୍କୀରେ ବିବାହ କରିଥିଲେ ନୁସରତ୍ । ଦୁହିଁଙ୍କ ବିବାହର ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ମଧ୍ୟ ହୋଇଥିଲା । କିନ୍ତୁ ଏବେ ନୁସରତ ତାଙ୍କ ସୋସିଆଲ ମିଡିଆରୁ ବିବାହର ସମସ୍ତ ଫଟୋ ଡିଲିଟ କରି ବିବାହ ଅବୈଧ ବୋଲି ଏକ ବୟାନ ଜାରି କରିଛନ୍ତି । ଏହାସହିତ ପାଖାପାଖି ଛଅମାସ ହେବ ଦୁହେଁ ଦୁହିଁଙ୍କଠାରୁ ଅଲଗା ମଧ୍ୟ ରହୁଛନ୍ତି ।
