ଭୁବନେଶ୍ୱର (ଏଟିଆର ବ୍ୟୁରୋ): ରଣବୀର କପୁରଙ୍କ ଅଭିନୀତ ଏବଂ ରାଜକୁମାର ହିରାନୀଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ସଞ୍ଜୁ’ ଲଗାତର ବକ୍ସଅଫିସରେ ଧମାଲ ମଚାଇଛି । ଏହି ଫିଲ୍ମ ରିଲିଜ୍ ହେବାର ଚାରି ଦିନ ଭିତରେ ୧୫୦ କୋଟି ଟଙ୍କା ଆୟ କରି ସାରିଲାଣି । ଏହା ସହିତ ଅନେକ ଫିଲ୍ମର ରେକର୍ଡକୁ ମଧ୍ୟ ଭାଙ୍ଗି ସାରିଲାଣି । ପ୍ରତ୍ୟେକ ଦର୍ଶକଙ୍କ ମୁହଁରେ ସଞ୍ଜୁର ପ୍ରଶଂସା ଶୁଣିବାକୁ ମିଳୁଛି । ଏହି ଫିଲ୍ମ କେବଳ ଲୋକମାନଙ୍କୁ ଯାଦୁ କରିନି ବରଂ ଅମୁଲ କଂପାନୀ ମଧ୍ୟ ଏହି ଫିଲ୍ମର ଯାଦୁରେ ଡୁବି ଯାଇଛନ୍ତି । ଆପଣମାନେ ଭାବୁଥିବେ ଯେ ଫିଲ୍ମଟି କଂପାନୀ ଉପରେ କି ଯାଦୁ କରିଛି ।
ଆଜ୍ଞା ହଁ ଅମୁଲ କଂପାନୀ ଫିଲ୍ମ ସଞ୍ଜୁର ଟ୍ରିବ୍ୟୁଟ୍ ଦେଇ ଏକ ପୋଷ୍ଟର ଜାରି କରିଛି । ସେହି ପୋଷ୍ଟରରେ ଫିଲ୍ମର ସମସ୍ତ ଚରିତ୍ରର ବ୍ୟଙ୍ଗଚିତ୍ର ନଜର ଆସୁଛି । ଏବଂ ସଞ୍ଜୁବାବା ବିଭିନ୍ନ ରୂପରେ ଅମୁଲ ବଟରରେ ପ୍ରସ୍ତୁତ ଆଇଟମ୍ ଧରିଥିବାର ଦେଖିବାକୁ ମିଳୁଛି । ଏହି ବ୍ୟଙ୍ଗଚିତ୍ରରେ ଏଭଳି ଲେଖା ହୋଇଛି କି ୱାନ ବଟର, ମେନି ଡିସେସ୍ । ଯାହା ଲୋକଙ୍କୁ ଖୁବ୍ ଆକୃଷ୍ଟ କରୁଛି ।
ସୂଚନାନୁଯାୟୀ, ଏବର୍ଷର ସବୁଠାରୁ ଭଲ ଫିଲ୍ମ ହେଉଛି ‘ସଞ୍ଜୁ’ । ଏହି ଫିଲ୍ମରେ ସଞ୍ଜୟ ଦତ୍ତଙ୍କ ଜୀବନର ଅନେକ ମୁହୂର୍ତ୍ତକୁ ଦର୍ଶା ଯାଇଥିବା ବେଳେ ତାଙ୍କର ଆଉ କିଛି ମୁହୁର୍ତ୍ତକୁ ଲୁଚାଇ ଦିଆଯାଇଛି ।
