ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜିଠାରୁ ଆରମ୍ଭ ହେଉଛି ଟି -୨୦ ବିଶ୍ୱକପରେ ସୁପର -୧୨ ମ୍ୟାଚ୍ । ଏହାପୂର୍ବରୁ କ୍ୱାଲିଫାଇଙ୍ଗ ରାଉଣ୍ଡର ମୁକାବିଲା ଖେଳାଯାଉଥିଲା। ଗ୍ରୁପ୍- ୧ ର ପ୍ରଥମ ମ୍ୟାଚ୍ରେ ଅଷ୍ଟ୍ରେଲିଆ ଦକ୍ଷିଣ ଆଫ୍ରିକାକୁ ଭେଟିବ। ଏହି ମ୍ୟାଚ୍ ଅପରାହ୍ନ ୩:୩୦ ରୁ ଆବୁଧାବିରେ ଖେଳାଯିବ । ଉଭୟ ଦଳ ଏପର୍ୟ୍ୟନ୍ତ ଗୋଟେ ବି ବିଶ୍ୱକପ ଟାଇଟଲ ଜିତି ନାହାଁନ୍ତି ଏବଂ ପ୍ରଥମ ଥର ପାଇଁ ଏହି ଟ୍ରଫି ଜିତିବା ଅଭିଯାନ ଆରମ୍ଭ କରିବେ।
ଗ୍ରୁପ୍ -୧ ରେ ଏହି ଦୁଇଟି ଦଳ ବ୍ୟତୀତ ଇଂଲଣ୍ଡ, ୱେଷ୍ଟଇଣ୍ଡିଜ୍, ବାଂଲାଦେଶ ଏବଂ ଶ୍ରୀଲଙ୍କା ରହିଛି । ୬ ଟି ଦଳ ମଧ୍ୟରୁ ଶ୍ରେଷ୍ଠ ଦୁଇ ଟିମ୍ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ। ତେଣୁ ଉଭୟ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ପାଇଁ ଏହି ମ୍ୟାଚ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ପ୍ରଥମ ମ୍ୟାଚ୍ ଜିତି ଉଭୟ ଦଳ ଏକ ଭଲ ଆରମ୍ଭ କରିବାକୁ ଚାହୁଁଛନ୍ତି ।
ଉଭୟ ଦଳର ସମ୍ଭାବ୍ୟ ପ୍ଲେୟିଙ୍ଗ ଇଲେଭେନ୍
ଅଷ୍ଟ୍ରେଲିଆ: ଆରୋନ ଫିଞ୍ଚ (କ୍ୟାପ୍ଟେନ), ମାଥ୍ୟୁ ୱେଡ, ଡେଭିଡ ୱାର୍ନର, ଷ୍ଟିଭ ସ୍ମିଥ, ମିଚେଲ ମାର୍ଶ, ଗ୍ଲେନ ମ୍ୟାକ୍ସୱେଲ, ମାର୍କସ ଷ୍ଟୋଇନିସ, ଆଷ୍ଟନ୍ ଅଗର, ଜୋସ୍ ହାଜଲେଉଡ୍, ମିଚେଲ ଷ୍ଟାର୍କ, ଏଡମ ଜମ୍ପା ।
ଦକ୍ଷିଣ ଆଫ୍ରିକା: ତେମ୍ବା ବାଭୁମା (କ୍ୟାପ୍ଟେନ), କ୍ୱିଣ୍ଟନ୍ ଡି କକ୍, ରସି ଭାନ୍ ଡେର୍ ଡସେନ୍, ରିଜା ହେଣ୍ଡ୍ରିକ୍ସ, ଏଡେନ ମାର୍କ୍ରାମ, ଡେଭିଡ ମିଲର, ଡୱେନ ପ୍ରିଟୋରିୟସ, ଏନ୍ରିକ ନର୍ଟେ, କେଶବ ମହାରାଜ, କାଗିସୋ ରବାଡା, ଟାବ୍ରେଜ ଶାମସି
