ନୂଆଦିଲ୍ଲୀ (ଏଟିଆର ବ୍ୟୁରୋ): ଶାହରୁଖ ଖାଁଙ୍କ ଫିଲ୍ମ ‘ପଠାନ୍’ ରିଲିଜ୍ ପୂର୍ବରୁ ହିଁ ଖୁବ୍ ଚର୍ଚ୍ଚାକୁ ଆସିଛି । ଫିଲ୍ମର ପ୍ରଥମ ଗୀତ ବେଶରମ ରଙ୍ଗକୁ ନେଇ ବିବାଦ ଆରମ୍ଭ ହୋଇଥିବା ବେଳେ ଦ୍ୱିତୀୟ ଗୀତ ଝୁମେ ଜୋ ପଠାନ କିଛି ମିନିଟ୍ ମଧ୍ୟରେ ଟ୍ରେଣ୍ଡରେ ରହିଥିଲା । ଏହାସହିତ ଏବେ ଫିଲ୍ମର ଟ୍ରେଲର ଅପେକ୍ଷାରେ ଦର୍ଶକ । ଏହାରି ମଧ୍ୟରେ ଏବେ ଶାହରୁଖ ଖାଁଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯାହାକୁ ପଠାନ୍ ର ଟ୍ରେଲର ବୋଲି କୁହାଯାଉଛି । ତେବେ ଆସନ୍ତୁ ଜାଣିବା ଭିଡିଓରେ କେତେ ମାତ୍ରାରେ ସତ୍ୟତା ରହିଛି ।

ଏହି ଭିଡିଓରେ ଶାହରୁଖ ଖାଁ ସମ୍ପୂର୍ଣ୍ଣ ଆକ୍ସନ ମୋଡରେ ନଜର ଆସୁଛନ୍ତି । କିନ୍ତୁ ବାସ୍ତବରେ ପଠାନ୍ ର ଭିଡିଓ ଲିକ୍ ହୋଇନାହିଁ । ଭିଡିଓଟି ପଠାନ୍ ଫିଲ୍ମ ର ନୁହେଁ । ବରଂ ଶାହରୁଖ ଖାଁଙ୍କ ପୁରୁଣା ଭିଡିଓ । ଏହା ଶାହରୁଖଙ୍କର ଏକ କୋଲ୍ଡଡ୍ରିଙ୍କ୍ସ ବିଜ୍ଞାପନର ଭିଡିଓ ।