ଭୁବନେଶ୍ୱର (ଏଟିଆର ବ୍ୟୁରୋ ); ପାକିସ୍ଥାନର ୨୨ ତମ ପ୍ରଧାନମନ୍ତ୍ରୀ ଭାବେ ଶପଥନେଲେ ଇମ୍ରାନ ଖାନ । ଇସଲାମାବାଦ ସ୍ଥିତ ପ୍ରେସିଡେଂଟ ହାଉସ ଠାରେ ଶପଥ ଗ୍ରହଣ କରିଛନ୍ତି ଇମ୍ରାନ । ଗତ ମାସରେ ହୋଇଥିବା ସଧାରଣ ନିର୍ବାଚନରେ ପାକିସ୍ତାନ ତେହରୀକ ର ମୁଖ୍ୟ ଇମ୍ରାନ ଖାନ କୁ ୧୧୬ ଟି ଆସନ ମିଳିଥିଲା । ତେବେ ଇମ୍ରାନ ପାକିସ୍ତାନର ଆଗାମି ପ୍ରଧାନମନ୍ତ୍ରୀ ହେବେ ବୋଲି ଏକ ପ୍ରକାର ନିଶ୍ଚିତ ହୋଇଯାଇଥିଲା । ପାକିସ୍ଥାନର ନବଗଠିତ ଜାତୀୟ ପରିଷଦରେ ଗତକାଲି ନିର୍ବାଚନ ହୋଇଥିଲା । ତେବେ ଇମ୍ରାନ ଏହି ନିର୍ବାଚନରେ ୧୭୬ ଖଣ୍ଡ ପାଇ ବିଜୟୀ ହୋଇଛନ୍ତି । ସଂସଦରେ ନିଜ ପ୍ରଥମ ଅଭିଭାଷଣରେ ସେ ଦେଶକୁ ଲୁଟୁଥିବା ଲୋକଙ୍କ ପ୍ରତି ଦୃଢ କାଯ୍ରା୍ନୁଷ୍ଟାନ ନେବେ ବୋଲି କହିଛନ୍ତି ।
ଅନ୍ୟପଟେ ଇମ୍ରାନଙ୍କ ଶପଥ ଗ୍ରହଣ ଉତ୍ସବକୁ ପୁର୍ବତନ ଭାରତୀୟ କ୍ରିକେଟର ତଥା ରାଜନେତା ନବଯୋତ ସିଂ ସିନ୍ଧୁ ଯାଇଥିବା ଜଣାପଡିଛି । ଯାହାକୁ ନେଇ ତାଙ୍କୁ ବିଭିନ୍ନ ମହଲରୁ ବିରୋଧ କରାଯାଇଛି । ତେବେ ସେ ଜଣେ ବନ୍ଧୁ ହିସାବରେ ପାକିସ୍ଥାନ ଯାଇଥିବା ସିନ୍ଧୁ କହିଛନ୍ତି ।
