ବାଲେଶ୍ୱର,(ଏଟିଆର ବ୍ୟୁରୋ): ପାଣିରେ ବୁଡି ୨ଜଣ ନାବାଳକଙ୍କ ମୃତ୍ୟୁ । ଏଭଳି ଏକ ଦୁଃଖଦ ଘଟଣା ନଜରକୁ ଆସିଛି ବାଲେଶ୍ୱର ଜିଲ୍ଲା ଭୋଗରାଇ ଅଞ୍ଚଳରେ । ଘଟଣାକୁ ନେଇ ପୂରା ଗାଁରେ ଏବେ ଶୋକାକୁଳ ପରିବେଶ ସୃଷ୍ଟି ହୋଇଛି । ଅଗ୍ନିଶମ ବିଭାଗ କର୍ମଚାରୀମାନେ ମୃତଦେହକୁ ଉଦ୍ଧାର କରିଥିବା ବେଳେ ପୁଲିସ ବ୍ୟବଚ୍ଛେଦ ଲାଗି ମୃତଦେହକୁୁ ହସପିଟାଲ ପଠାଇଛି । ମୃତ ଦୁଇ ନାବାଳକ ସମ୍ପର୍କୀୟ ଭାଇ ବୋଲି ସୂଚନା ମିଳିଛି ।
ମିଳିଥିବା ରିପୋର୍ଟ ଅନୁସାରେ, ଗୋପିନାଥପୁର ପଞ୍ଚାୟତ ନାରାୟଣପୁର ଗାଁର ରାଜ କୁମାର ସାହୁ ଓ ରଞ୍ଜନ କୁମାର ସାହୁଙ୍କ ୨ପୁଅ ଘର ପାଖରେ ଖେଳୁଥିଲେ । ତେବେ ପରିବାର ଲୋକଙ୍କ ଅଜାଣତରେ ଉଭୟ କେତେବେଳେ ଗାଁ ନିକଟରେ ଥିବା ପୋଖରୀକୁ ପଳାଇଥିଲେ । ତେବେ ଢ଼େର ସମୟ ଯାଏଁ ଉଭୟଙ୍କ ପତ୍ତା ନମିଳିବାରୁ ପରିବାର ଲୋକେ ଖୋଜାଖୋଜି ଆରମ୍ଭ କରିଥିଲେ । ପାଖାପାଖି ୨ଘଣ୍ଟା ପରେ ଉଭୟଙ୍କ ମୃତଦେହ ପୋଖରୀରେ ଭାସୁଥିବା ଦେଖିବାକୁ ମିଳିଥିଲା । ଉଭୟଙ୍କୁ ଗାଁଲୋକେ ଉଦ୍ଧାର କରି ହସପିଟାଲ ନେଇଥିଲେ ହେଁ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ ।
