ଭୁବନେଶ୍ୱର (ଏଟିଆର ବ୍ୟୁରୋ) ; ଯୁକ୍ତ ୨ ପରୀକ୍ଷା ପାଇଁ ଫର୍ମ ପୂରଣ ଆରମ୍ଭ ହେବ । ଚଳିତ ମାସ ୧୬ ତାରିଖରୁ ରେଗୁଲାର ପରୀକ୍ଷାର୍ଥୀ ପାଇଁ ଏହା ଆରମ୍ଭ ହେବ । ଫର୍ମ ଫିଲପ କରିବାର ଶେଷ ସମୟ ହେଲା ୨୬ ତାରିଖ । ଏହା ପରେ ଯେଉଁମାନେ ନଭେମ୍ବର ୨୭ରୁ ୩୦ ଭିତରେ କରିବେ ସେମାନେ ୫୦ ଟଙ୍କା ଫାଇନ ଦେଇ କରିବେ । ସେହିଭଳି ଡିସେମ୍ବର ୧ରୁ ୪ ଭିତରେ ଯେଉଁମାନେ ଫର୍ମ ଫିଲପ କରିବେ ସେମାନଙ୍କୁ ୩୫୦ ଟଙ୍କାର ଫାଇନ ଲାଗିବ । ତେବେ ଦିଆଯାଇଥିବା ନିର୍ଦ୍ଦାରି ସମୟ ମଧ୍ୟରେ ଯଦି କେହି ଫର୍ମ ଫିଲପ କରିପାରିବେ ନାହିଁ ତେବେ ଏହା ପରେ ଆଉ ସେମାନଙ୍କ ନିବେଦନ ଶୁଣାଯିବ ନାହିଁ ବୋଲି ପ୍ରକାଶ କରିଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ଚଳିତ ବର୍ଷ ପରୀକ୍ଷାରେ ନୂଆ ସିଲାବସରୁ ସେଟ ପ୍ରଶ୍ନ ଆସିବ ଏବଂ ଗତ ବର୍ଷ ଭଳି ପାର୍ଟନର ହେବ ।
