ମୁମ୍ବାଇ(ଏଟିଆର ବ୍ୟୁରୋ): ବଲିଉଡର ଷ୍ଟାଇଲିଷ୍ଟ ଷ୍ଟାର ହ୍ରିତିକ ରୋସନ । ନିଜ ଅଭିନୟ ବଳରେ ସବୁବେଳେ ଦର୍ଶକଙ୍କ ମନ ଜିଣିଛନ୍ତି । ସେ ସବୁବେଳେ ଅନ୍ୟ ଅଭିନେତା ଓ ଅଭିନେତ୍ରୀଙ୍କୁ ଉତ୍ସାହିତ କରିଆସିଛନ୍ତି । ହ୍ରିତିକ ଇଂଷ୍ଟାଗ୍ରାମରେ ଲାଇଭ ଆସିଥିବା ବେଳେ ବିଦ୍ୟୁତ ତାଙ୍କ ସହ ଲାଇଭ୍ ଚାଟରେ ଯୋଗ ଦେଇଥିଲେ । ବିଦ୍ୟୁତଙ୍କ ଖୁଦା ହାଫିସ ଫିଲ୍ମ ଏବେ ଦର୍ଶକମାନଙ୍କୁ ପସନ୍ଦ ଆସୁଥିବେ ବେଳେ ବିଦ୍ୟୁତଙ୍କ ଅଭିନୟକୁ ନେଇ ଅଷ୍ଟାଗ୍ରାମ ଲାଇଭରେ ତାଙ୍କୁ ପ୍ରଶଂସାରେ ପୋତି ପକାଇଥିଲେ ହ୍ରିତିକ ରୋସନ । ଏହା ପରେ ହ୍ରିତିକ ବିଦ୍ୟୁତଙ୍କ ଆକ୍ସନ ଓ ଡ୍ୟାନ୍ସର ମଧ୍ୟ ପ୍ରଶଂସା କରିଥିଲେ । ତାଙ୍କ ମା’ବିଦ୍ୟୁତଙ୍କ ଅଭିନୟକୁ ଅଧିକ ଭଲ ପାଆନ୍ତି ବୋଲି ସେ କହିଥିଲେ । ହ୍ରିତିକ ବିଦ୍ୟୁତଙ୍କୁ ଅଭିନୟ ପାଇଁ ଭଲ ଟିପ୍ସ ମଧ୍ୟ ଦେଇଥିଲେ ଓ ଆଗକୁ ତାଙ୍କର ଅଭିନୟ କ୍ୟାରିଅର ଭଲ ହେଉ ବୋଲି କାମନା କରିଥିଲେ । ଉଭୟ ଷ୍ଟାର ପରସ୍ପରକୁ ପ୍ରଶଂସା କରିବା ସହିତ ଅନେକ ଦିନ ପରେ ଲାଇଭ ଆସି ନିଜ ଅନୂଭୁତିକୁ ସେୟାର କରି ଖୁସି ଅନୁଭବ କରିଥିଲେ ବୋଲି କହିଛନ୍ତି ।
