ମୁମ୍ବାଇ (ଏଟିଆର ବ୍ୟୁରୋ):ପ୍ରାୟ ଦୁଇ ବର୍ଷପରେ ଫିଲ୍ମ ଦୁନିଆକୁ ଫେରୁଛନ୍ତି ବଲିଉଡ ବାଦଶାହ ଶାହରୁଖ ଖାନ । ଶାହରୁଖ ବ୍ରେକ ନେଲେ ଓ ଦୁଇ ବର୍ଷ ବଡ଼ ପରଦା ଠାରୁ ନିଜକୁ ଦୂରେଇ ରଖିଲେ। ତେବେ ଏବେ ଦୁଇବର୍ଷ ପରେ ପୁଣି ଥରେ ପରଦାକୁ ଫେରିବା ଲାଗି ପ୍ରସ୍ତୁତି ଅଛନ୍ତି କିଙ୍ଗ ଖାନ । ଦୁଇ ବର୍ଷ ବ୍ରେକ ପରେ ଗୋଟିଏ ଫିଲ୍ମ ନୁହେଁ ବରଂ ସେ ତିନିଟି ଫିଲ୍ମ ସାଇନ୍ କରିଛନ୍ତି। ଶାହରୁଖଙ୍କ ଫିଲ୍ମ ‘ପଠାନ’କୁ ନେଇ ଏବେ ବେଶ୍ ଚର୍ଚା ଚାଲିଛି। ଏବେ ଶୁଣାଯାଉଛି ଶାହରୁଖ ଖାନ ସାଉଥ ଇଣ୍ଡିଆନ ଫିଲ୍ମ ନିର୍ଦେଶକ ଏଟଲିଙ୍କ ସହ କାମ କରିବେ। ତାଙ୍କ ଫିଲ୍ମରେ ସେ ଡବଲ ରୋଲରେ ନଜର ଆସିବେ।ପ୍ରଥମଥର ପାଇଁ ସେ ସାଉଥ ନିର୍ଦେଶକ ଏଟଲିଙ୍କ ସହ କାମ କରିବେ। ତେବେ ଡୁପ୍ଲିକେଟ୍ ଓ ଡନ୍ ସିନେମା ପରେ ଶାହରୁଖ ତୃତୀୟ ଥର ପାଇଁ ଡବଲ ରୋଲରେ ନଜର ଆସିବେ। ଫିଲ୍ମରେ ଶାହରୁଖ ଉଭୟ ବାପା ଓ ପୁଅ ଭୂମିକାରେ ଅଭିନୟ କରିବେ। ଫିଲ୍ମରେ ଜେନେରେସନ ଫପରେ କୁହାଯାଇଛି । ତେବେ ଫିଲ୍ମରେ ନିଜ ଲୁକ ଉପରେ ଗୁରୁତ୍ୱ ଦେଇଛନ୍ତି ଶାହରୁଖ । ଏହା ଛଡ଼ା ଫିଲ୍ମ ‘ପଠାନରେ’ ଶାହରୁଖଙ୍କ ବ୍ୟତୀତ ଦୀପିକା ପାଦୁକୋନ ଓ ଜନ ଆବ୍ରାହମ ମୁଖ୍ୟ ଭୂମିକାରେ ନଜର ଆସିବେ। ଶାହରୁଖ ମୁମ୍ବାଇର ୟଶରାଜ ଫିଲ୍ମ ଷ୍ଟୁଡିଓରେ ‘ପଠାନ’ର ସୁଟିଂ କରିବେ। ତେବେ ଏବେ କରୋନା ପାଇଁ ସେ ଏତେ ବାହାରକୁ ବାହାରୁ ନାହାନ୍ତି ।
