ମୁମ୍ବାଇ (ଏଟିଆର ବ୍ୟୁରୋ): ଦେଶର ସବୁଠାରୁ ବଡ ଧନୀ ବ୍ୟବସାୟୀ ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀ ମାର୍ଚ୍ଚ ୯ରେ ଶ୍ଲୋକା ମେହେତାଙ୍କୁ ବିବାହ କରିଛନ୍ତି । ବାହାଘରର ପର ଦିନ ଗ୍ରାଣ୍ଡ ରିସେପସନ୍ ପାର୍ଟିର ଆୟୋଜନ କରାଯାଇଥିଲା । ଏହି ପାର୍ଟିରେ ଶ୍ଲୋକା ଏକ ସୁନେଲୀ ରଙ୍ଗର ଗାଉନ୍ ପିନ୍ଧିଥିବା ବେଳେ ଆକାଶ ଏକ କଳା ରଙ୍ଗର ସୁଟ୍ ପିନ୍ଧି ଖୁବ୍ ସୁନ୍ଦର ଦିଶୁଥିଲେ । ରିସେପସନ୍ ପାର୍ଟି ସରିବା ପରେ ଦୁହିଁଙ୍କର ଏକ ଭିଡିଓ ସାମ୍ନାକୁ ଆସିଛି ।
ଏହି ଭିଡିଓରେ ଆକାଶ ଅମ୍ବାନୀ ଶ୍ଲୋକାଙ୍କ ସହିତ ମିଶି ଡ୍ୟାନ୍ସ କରୁଛନ୍ତି । ଡ୍ୟାନ୍ସରେ ମତୁଆଲା ହୋଇ ଆକାଶ ଭରା ପବ୍ଲିକରେ ଶ୍ଲୋକାଙ୍କୁ ଲିପଲକ୍ କରୁଥିବାର ଦେଖିବାକୁ ମିଳିଛି । ଏହାକୁ ଦେଖି ପାର୍ଟିରେ ଉପସ୍ଥିତ ଥିବା ଅତିଥି ତାଳି ବଜାଇଛନ୍ତି ଏବଂ ଶ୍ଲୋକା ବି ଲାଜେଇ ଯାଇଥିବାର ନଜର ଆସିଛନ୍ତି ।
ଏହି ରୋମାଣ୍ଟିକ ମୁହୂର୍ତ୍ତ ପରେ ଆକାଶ ତାଙ୍କ ଛୋଟ ଭାଇ ଅନନ୍ତ ଏବଂ ତାଙ୍କ ଗର୍ଲଫ୍ରେଣ୍ଡ ରାଧିକା ମର୍ଚାଣ୍ଟକୁ ଚିୟର କରିଛନ୍ତି । ରାଧିକା ଏବଂ ଅନନ୍ତଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳିଥାଏ । ଅମ୍ବାନୀ ହାଉସର ଖୁବ୍ ନିକଟତର ରାଧିକା । ଏହାସହିତ ଅନନ୍ତ ଏବଂ ରାଧିକାଙ୍କର ନିର୍ବନ୍ଧ ହୋଇଯାଇଛି ବୋଲି ମଧ୍ୟ ଶୁଣିବାକୁ ମିଳିଥିଲା । ମାତ୍ର ଏହି କଥାକୁ ଏଡାଇ ଦେଇଥିଲେ ରିଲିଆନ୍ସ ପ୍ରବକ୍ତା ।
