ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ଅକ୍ଷୟ କୁମାର ଏବଂ କରୀନା କପୁର ଖାନ୍ ଙ୍କ ଆଗାମୀ ଫିଲ୍ମ ‘ଗୁଡ୍ ନ୍ୟୁଜ୍’ ଏବେ ଡିସେମ୍ବର ୨୦୧୯ ରେ ରିଲିଜ୍ ହେବ । ପୂର୍ବରୁ ଏହି ଫିଲ୍ମର ରିଲିଜ୍ ସେପ୍ଟେମ୍ବରରେ ହେବାକୁ ଥିଲା କିନ୍ତୁ ଏବେ ଏହାକୁ ବଦଳାଇ ଦିଆଯାଇଛି ।
ଫିଲ୍ମର ରିଲିଜ୍ କୁ ନେଇ ଅକ୍ଷୟ କୁମାର ତାଙ୍କ ଟ୍ୱିଟରରେ ଟ୍ୱିଟ୍ କରି ଲେଖିଛନ୍ତି କି, ନୂତନ ବର୍ଷର ଭଲ ଶୁଭାରମ୍ଭ ପାଇଁ ଭଲ ଖବର ଡିସେମ୍ବର ୨୭ରେ ଆପଣମାନେ ଦେଖନ୍ତୁ । ପୂର୍ବରୁ ଏହି ଫିଲ୍ମ ସେପ୍ଟେମ୍ବର ୬,୨୦୧୯ ରେ ରିଲିଜ୍ ହେବାକୁ ଥିଲା । ଫିଲ୍ମରେ ଅକ୍ଷୟ କୁମାର ଏବଂ କରୀନା କପୁରଙ୍କ ବ୍ୟତିତ ଦିଲଜିତ୍ ସିଂହ ଏବଂ କିୟାରା ବି ପ୍ରମୁଖ ଭୂମିକାରେ ନଜର ଆସିବେ ।
#GoodNews for a good start to the new year! See you on 27th December!@karanjohar @apoorvamehta18 #KareenaKapoorKhan @diljitdosanjh @Advani_Kiara @raj_a_mehta @DharmaMovies #CapeOfGoodFilms @ZeeStudios_ pic.twitter.com/hxwxWzEnex
— Akshay Kumar (@akshaykumar) April 27, 2019
ଦୀର୍ଘଦିନ ପରେ ବେବୋ ଏବଂ ଅକ୍କିଙ୍କୁ ଏହି ଗୁଡ୍ ନ୍ୟୁଜ୍ ଦ୍ୱାରା ଏକାଠି ଦେଖିବାକୁ ମିଳିବ । ଦୁହିଁଙ୍କୁ ଶେଷ ଥର ପାଇଁ କମ୍ବଖ୍ତ ଇଶକ ରେ ଦେଖିବାକୁ ମିଳିଥିଲା । ଧର୍ମା ପ୍ରଡକ୍ସନ ହାଉସରେ ପ୍ରସ୍ତୁତ ହେଉଥିବା ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ରାଜ୍ ମେହେତା ଅଛନ୍ତି ।
ଦିଲଜିତ୍ ସିଂହଙ୍କ ସହିତ ୍କରୀନାଙ୍କର ଏହା ଦ୍ୱିତୀୟ ଫିଲ୍ମ ହେବ । ଏହାପୂର୍ବରୁ ଦୁହେଁ ଉଡତା ପଞ୍ଜାବରେ ଏକାଠି ନଜର ଆସିଥିଲେ ।
