ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ଆଲିୟା ଭଟ୍ଟ ଏବଂ ଅଭିନେତା ରଣବୀର କପୁର ଦୁହେଁ ବିବାହ କରିବେ ବୋଲି ଦୀର୍ଘ ଦିନ ହେବା ଚର୍ଚ୍ଚା ହେଉଥିଲା । ମାତ୍ର ଏବେ ଦୁହିଁଙ୍କ ବିବାହ କାର୍ଡ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏନେଇ ଆଲିୟାଙ୍କୁ ପ୍ରଶ୍ନ କରାଯିବାରୁ ସେ ହସିକି କହିଛନ୍ତି କି ଏବେ କଣ କହିବି । ଆଲିୟା ଏବଂ ରଣବୀରଙ୍କ ବାହାଘର କାର୍ଡରେ ତାଙ୍କ ବାହାଘର ତାରିଖ ୨୨ ଜାନୁଆରି ୨୦୨୦ ଲେଖାହୋଇଛି । ସେହିପରି ଭେନ୍ୟୁ ରହିଛି ଯୋଧପୁର ଉମେଦ ଭବନ ପ୍ୟାଲେସ । ଏହି କାର୍ଡରେ ତାଙ୍କ ପିତା ମାତାଙ୍କ ନାମ ସୋନି-ମୁକେଶ ଭଟ୍ଟ ଲେଖାଯାଇଛି । ହୁଏତ ଏହି କାର୍ଡଟି ସମ୍ପୂର୍ଣ୍ଣ ଫେକ୍ । କାରଣ ଏଥିରେ ଆଲିଆଙ୍କର ଭୁଲ ସ୍ପେଲିଂ ଏବଂ ତାଙ୍କ ପିତାଙ୍କ ନାଁ ଭୁଲ ଛପା ଯାଇଛି ।
ଅପରପେକ୍ଷ ଦୁହିଁଙ୍କ ଫିଲ୍ମ କ୍ୟାରିୟର ବିଷୟରେ କହିବାକୁ ଗଲେ, ଅୟାନ ମୁଖାର୍ଜିଙ୍କ ଫିଲ୍ମ ବ୍ରହ୍ମାସ୍ତ୍ରରେ ରଣବୀର ଏବଂ ଆଲିୟାଙ୍କ ଯୋଡିକୁ ଦେଖିବାକୁ ମିଳିବ । ଯେଇଁଥିରେ ତାଙ୍କ ସହ ଅମିତାଭ ବଚ୍ଚନ, ଡିମ୍ପଲ କପାଡିଆ,ମୌନି ରୟ ଏବଂ ନାଗାର୍ଜୁନ ବି ନଜର ଆସିବେ । ଏହି ଫିଲ୍ମର ସୁଟିଂ ବନାରସ, ଲଣ୍ଡନ ଏବଂ ଉତ୍ତରାଖଣ୍ଡର ବିଭିନ୍ନ ସ୍ଥାନରେ କରାଯାଇଛି ।
