ନୂଆଦିଲ୍ଲୀ (ଏଟିଆର ବ୍ୟୁରୋ): ବିଗ୍ ବି ଅମିତାଭ ବଚ୍ଚନ ଏବଂ ଇମ୍ରାନ ହାସମୀଙ୍କ ଫିଲ୍ମ ‘ଚେହରେ’ ର ଟ୍ରେଲର ଆଜି ଲଞ୍ଚ ହୋଇଛି । ଫିଲ୍ମଟି ସମ୍ପୂର୍ଣ୍ଣ ଏକ ସସପେନ୍ସ ଥ୍ରିଲର ଫିଲ୍ମ । ଏଥିରେ ବିଗ୍ ବି ପୁଣି ଥରେ ତାଙ୍କ ଦମଦାର୍ ଫର୍ମରେ ନଜର ଆସିଛନ୍ତି ।
T 3846 – Everybody is a suspect until proven guilty .. Are you ready to #FaceTheGame ? #ChehreTrailer out now: https://t.co/jZIxgie0qt
Watch #Chehre in cinemas on 9th April.@emraanhashmi @anandpandit63 @rumyjafry @krystledsouza @SiddhanthKapoor @annukapoor_ #RaghubirYadav
— Amitabh Bachchan (@SrBachchan) March 18, 2021
ଫିଲ୍ମଟିକୁ ରୁମି ଜାଫର ନିର୍ଦ୍ଦେଶନା ଦେଇଥିବା ବେଳେ ଏହି ଫିଲ୍ମ ଜରିଆରେ ଇମ୍ରାନ ହାସମି ପ୍ରଥମ ଥର ପାଇଁ ଅମିତାଭଙ୍କ ସହ ସ୍କ୍ରିନ ସେୟାର କରିଛନ୍ତି । ଟ୍ରେଲରର ଆରମ୍ଭ ପ୍ରଥମେ ଅମିତାଙ୍କ ଭଏସଓଭରରୁ ହୋଇଛି । ଯେଉଁଥିରେ ସେ କହୁଛନ୍ତି ଯଦି ଆପଣମାନଙ୍କ ମଧ୍ୟରୁ କେହି ଅପରାଧ କରିଛ ତେବେ ସମ୍ଭାଳିକି କାରଣ ଏହି ଖେଳ ଆପଣଙ୍କ ସହ ମଧ୍ୟ ଖେଳାଯାଇପାରେ ।
ଟ୍ରେଲରରେ ପ୍ରଥମେ କାର୍ ଟି ଏକ ବରଫ ରାସ୍ତା ଦେଇ ଯାଉଛି । ଯାହା ଦୁର୍ଘଟଣାର ଶିକାର ହେଉଛି । ପୁଣି ଆଉ ଏକ ଦୃଶ୍ୟରେ ଏକ ପୁରାତନ କଟେଜରେ ଇମ୍ରାନ ହାସମି ଏବଂ ଅମିତାଭ ବଚ୍ଚନ ମୁହାଁ ମୁହିଁ ହେଉଛନ୍ତି । ଏହାସହିତ ବିଗ୍ କଣ କହୁଛନ୍ତି ଦେଖନ୍ତୁ ଏହି ଟ୍ରେଲର । ସବୁଠାରୁ ଖାସ୍ କଥା ହେଉଛି ଏହି ଟ୍ରେଲରର ଶେଷରେ ରିୟା ଚକ୍ରବର୍ତ୍ତିଙ୍କ ଏଣ୍ଟ୍ରି ହୋଇଛି ।
