ନୂଆଦିଲ୍ଲୀ (ଏଟିଆର ବ୍ୟୁରୋ): କରୋନା ପାଇଁ ଗତବର୍ଷ ଅନେକ ମାସ ପର୍ଯ୍ୟନ୍ତ ସିନେମାହଲରେ ତାଲା ପଡିଥିଲା । ନା କୌଣସି ଫିଲ୍ମ ସୁଟିଂ ହୋଇପାରୁଥିଲା ନା କୌଣସି ଫିଲ୍ମ ବଡ ପରଦାରେ ରିଲିଜ୍ ହୋଇପାରୁଥିଲା । ଯେଉଁଥିପାଇଁ ସିନେମାହଲର ମାଲିକଙ୍କୁ ଅନେକ କ୍ଷତି ସହିବାକୁ ପଡିଛି । ଗତବର୍ଷ ଶେଷ ସୁଧା କିଛି ସର୍ତ୍ତ ଅନୁଯାୟୀ ପୁଣି ଥରେ ସିନେମାହଲ ଖୋଲିଛି । କିନ୍ତୁ ଏହାପରେ ବି ମେକର୍ସ କୌଣସି ବିଗ୍ ବଜେଟ ଫିଲ୍ମ ଥିଏଟର୍ସରେ ରିଲିଜ୍ କରିବା ପାଇଁ ରିସ୍କ ନେଇ ନାହାନ୍ତି । ମାତ୍ର ଏବେ ସମସ୍ତ ନିର୍ଦ୍ଦେଶକ ଏବଂ ନିର୍ମାତା ସିନେମାହଲକୁ ଫେରିବା ପାଇଁ ପ୍ରସ୍ତୁତ ହୋଇଛନ୍ତି ।
କରୋନା ପାଇଁ ଯେଉଁ ଫିଲ୍ମ ଗୁଡିକ ଗତବର୍ଷ ରହିଯାଇଥିଲା ସେଗୁଡିକ ଏହିବର୍ଷ ରିଲିଜ୍ କରାଯାଉଛି । ଲଗାତର ଭାବେ ଫିଲ୍ମର ରିଲିଜ୍ ତାରିଖ ଘୋଷଣା କରାଯାଉଛି । ଏହାରି ମଧ୍ୟରେ ଆଜି କାର୍ତ୍ତିକ ଆର୍ଯ୍ୟାନ , କିଆରା ଆଡଭାନୀ ଏବଂ ତବୁ ଷ୍ଟାରର ଫିଲ୍ମ ‘ଭୁଲ ଭୁଲେୟା ୨’ ର ରିଲିଜ୍ ତାରିଖ ଘୋଷଣା କରାଯାଇଛି ।
ଫିଲ୍ମ ସମୀକ୍ଷକ ତରଣ ଆଦର୍ଶ ତାଙ୍କ ଟ୍ୱିଟର ଆକାଉଣ୍ଟ ଜରିଆରେ ଏନେଇ ସୂଚନା ଦେଇ କହିଛନ୍ତି କି, ଅନୀଜ ବଜମି ଦ୍ୱାରା ନିର୍ଦ୍ଦେଶିତ ‘ଭୁଲ୍ ଭୁଲେୟା ୨’ କୁ ଚଳିତବର୍ଷ ନଭେମ୍ଭର ୧୯ ରେ ରିଲିଜ୍ କରାଯିବ । ପୂର୍ବରୁ ଏହି ଫିଲ୍ମ ୩୧ ଜୁଲାଇ ୨୦୨୦ ରେ ରିଲିଜ୍ ହେବାକୁ ଥିଲା କିନ୍ତୁ କରୋନା ପାଇଁ ମାର୍ଚ୍ଚକୁ ଦେଶରେ ଲକଡାଉନ୍ ହୋଇଗଲା । ଯାହାଫଳରେ ଏହି ଫିଲ୍ମ ରିଲିଜ୍ ହୋଇପାରିନଥିଲା ।
ସୂଚନାଯୋଗ୍ୟ, ୨୦୦୭ ମସିହାରେ ରିଲିଜ୍ ହୋଇଥିବା ଅକ୍ଷୟ କୁମାର, ସାଇନି ଆହୁଜା ଏବଂ ବିଦ୍ୟା ୱାଲନଙ୍କ ସୁପରହିଟ୍ ଫିଲ୍ମ ‘ଭୁଲ୍ ଭୁଲେୟା’ ର ସ୍ୱିକେଲ ହେଉଛି ‘ଭୁଲ୍ ଭୁଲେୟା ୨’ ।
