ମୁମ୍ବାଇ (ଏଟିଆର ବ୍ୟୁରୋ): ଏଇ କିଛି ଦିନ ମଧ୍ୟରେ ଟେଲିଭିନର ରିଅଲିଟି ସୋ’ ‘ବିଗ୍ ବସ’ ସିଜିନ୍ ୧୨ ଆରମ୍ଭ ହେବାକୁ ଯାଉଛି । ସବୁଥର ଭଳି ଏଥର ମଧ୍ୟ ଏହି ସୋ’କୁ ହୋଷ୍ଟ କରିବେ ସଲମାନ୍ ଖାଁ । ଯେବେଠାରୁ ଏହି ସୋ’ରେ ସଲମାନ୍ ଯୋଡୀ ହୋଇଛନ୍ତି ସେବୁଠୁ ଲୋକପ୍ରିୟତା ବଢିବାରେ ଲାଗିଛି ।
ଏହି ସୋ’ରେ ସବୁବେଳେ କିଛି ନା କିଛି ନୂଆ ଜିନିଷ ଦେଖିବାକୁ ମିଳିଥାଏ । ଯାହାଫଳରେ ଦର୍ଶକ ଖୁବ୍ ମନୋରଞ୍ଜନ ହୋଇପାରିବେ । ଚଳିତ ବର୍ଷ ଗୋଆରେ ଏହି ସୋ’ର ଶୁଭାରମ୍ଭ କରାଯିବ । ଏହାସହିତ ସୋ’ ମେକର୍ସ ଗୋଆରେ ଏକ ପାର୍ଟିର ଆୟୋଜନ କରିଛନ୍ତି । ପାର୍ଟିରେ ସଲମାନ୍ ଉପସ୍ଥିତ ରହିବେ ।
ଏଥରକ ସୋ’ର ଥିମ୍ ରହିଛି ‘ବିଚିତ୍ର ଯୋଡୀ’ । ଏଥିରେ କିଛି କପୁଲ୍ସ ନଜର ଆସିବେ । ଏହାସହିତ ୨୧ ଜଣ ପ୍ରତିଯୋଗୀ ସୋ’ରେ ଭାଗନେବେ ବୋଲି ଜାଣିବାକୁ ମିଳୁଛି । ଏପର୍ଯନ୍ତ ପ୍ରତିଯୋଗୀଙ୍କ ନାଁ ସାମ୍ନାକୁ ଆସିନାହିଁ ।
