ନୂଆଦିଲ୍ଲୀ (ଏଟିଆର ବ୍ୟୁରୋ): ପୌରାଣିକ କାହାଣୀ ଉପରେ ଆଧାରିତ ଫିଲ୍ମ ‘ବ୍ରହ୍ମାସ୍ତ୍ର’ ର ଟ୍ରେଲର ରିଲିଜ୍ ହୋଇଯାଇଛି । ଅମିତାଭ ବଚ୍ଚନଙ୍କ ସ୍ୱର ଏବଂ ରଣବୀର କପୁରଙ୍କ ଝଲକ ସହିତ ଆରମ୍ଭ ହୋଇଥିବା ଏହି ଟ୍ରେଲରରେ ମହାବଳୀ ଏବଂ ସର୍ବଶକ୍ତିଶାଳୀ ଅସ୍ତ୍ରକୁ ଖୋଜିବାର କାହାଣୀ ବିଷୟରେ କୁହାଯାଇଛି । ଲଭ , ରୋମାନ୍ସ, ଥ୍ରିଲର ଏବଂ ସସ୍ପେନ୍ସରେ ଭରପୁର ଏହି ଫିଲ୍ମରେ ଅସ୍ତ୍ରର ଦେବତା ‘ବ୍ରହ୍ମାସ୍ତ୍ର’ ର ଶକ୍ତିକୁ ଅନୁଭବ କରାଇବାକୁ ଚେଷ୍ଟା କରାଯାଇଛି ।
ଏହି ଫିଲ୍ମର ଟ୍ରେଲରରେ ରଣବୀର କପୁର ଓ ଆଲିଆ ଭଟ୍ଟଙ୍କ ବ୍ୟତିତ ଅମିତାଭ ବଚ୍ଚନ , ସାଉଥ ସୁପରଷ୍ଟାର ନାଗାର୍ଜୁନ, ମୌନୀ ରୟଙ୍କ ଝଲକ ଦେଖିବାକୁ ମିଳିଛି । ଟ୍ରେଲର ଦେଖିବା ପରେ ଅନୁମାନ କରାଯାଉଛି କି ରଣବୀର କପୁର ଏବଂ ଆଲିଆ ଭଟ୍ଟଙ୍କ ଚରିତ୍ର ମଧ୍ୟରେ ହେବାକୁ ଥିବା ପ୍ରେମଠୁ ନେଇ ବ୍ରହ୍ମାସ୍ତ୍ର ପାଇଁ ହେବାକୁ ଥିବା ଯୁଦ୍ଧ ପର୍ଯ୍ୟନ୍ତ ଦେଖିବାକୁ ମିଳିବ ।
