ମୁମ୍ବାଇ (ଏଟିଆର ବ୍ୟୁରୋ): ମଧ୍ୟପ୍ରଦେଶରେ ଚାଲିଛି କଙ୍ଗନା ରଣାୱତଙ୍କ ଫିଲ୍ମ ‘ଧାକଡ’ ର ସୁଟିଂ । ଏହାରି ମଧ୍ୟରେ ଫିଲ୍ମର ମୁଖ୍ୟ ଚରିତ୍ରକୁ ସୋସିଆଲ ମିଡିଆରେ ଇଂଟ୍ରୋଡ୍ୟୁସ କରିବାର ପ୍ରକ୍ରିୟା ଜାରି ରହିଛି । ଏବେ ଫିଲ୍ମରେ ଦିବ୍ୟା ଦତ୍ତାଙ୍କ ଚରିତ୍ର ରୋହିଣୀ ର ପ୍ରଥମ ଝଲକ ଜାରି କରାଯାଇଛି । ପୋଷ୍ଟରରେ ଦିବ୍ୟାଙ୍କ ଦମଦର ଅନ୍ଦାଜ ଦେଖିବାକୁ ମିଳିଛି ।
ପୋଷ୍ଟରରେ ଦିବ୍ୟାଙ୍କୁ ସମ୍ପୂର୍ଣ୍ଣ ଭିନ୍ନ ଅନ୍ଦାଜର ଦେଖିବାକୁ ମିଳିଛି । ଏହି ପୋଷ୍ଟରକୁ ଦିବ୍ୟା ପୋଷ୍ଟ କରି ଲେଖିଛନ୍ତି କି, ମୁଁ ଏଥିରେ ଖୁବ୍ ଭୟଙ୍କର ଦିଶୁଛି । କିନ୍ତୁ ଏଥିରୁ ସ୍ପଷ୍ଟ ହେଉ ନାହିଁ କି ମୁଁ କେତେ ଖରାପ ହୋଇପାରେ । ରୋହିଣୀ ଚରିତ୍ରରେ ମୋର ଝଲକ ଜାରି ହୋଇଛି । ଫିଲ୍ମଟି ଅକ୍ଟୋବର ୧ ରେ ମୁକ୍ତିଲାଭ କରିବ ।
ଏହାପୂବରୁ ଫିଲ୍ମରେ ଅର୍ଜୁନ ରାମପାଲଙ୍କ ଚରିତ୍ର ରୁଦ୍ରବୀରଙ୍କ ପୋଷ୍ଟର ଜାରି କରାଯାଇଥିଲା । ଏଥିରେ ଅର୍ଜୁନ ଜଣେ ଖଳାନାୟକ ଭୂମିକାରେ ଅଭିନୟ କରୁଛନ୍ତି । ଏହା ଏକ ଆକ୍ସନ ଫିଲ୍ମ । ଏଥିରେ କଙ୍ଗନା ସ୍ପାଇ ଏଜେଣ୍ଟ ଅଗ୍ନି ଭୂମିକାରେ ଅଭିନୟ କରୁଛନ୍ତି । ଏହାସହିତ କଙ୍ଗନା ଏଥିରେ ଜବରଦସ୍ତ ଆକ୍ସନ କରୁଥିବାର ନଜର ଆସିବେ ।
