ମୁମ୍ବାଇ (ଏଟିଆର ବ୍ୟୁରୋ): ମନୋଜ ବାଜପେୟୀଙ୍କ ବହୁ ପ୍ରତିକ୍ଷିତ ୱେବସିରିଜ୍ ‘ଦ ଫ୍ୟାମିଲି ମ୍ୟାନ ୨’ ର ଟ୍ରେଲର ରିଲିଜ୍ ହୋଇଛି । ଏହି ଟ୍ରେଲର ପାଇଁ ଫ୍ୟାନ୍ସ ଦୀର୍ଘ ଦିନ ଧରି ଅପେକ୍ଷାରେ ଥିଲେ । ଟ୍ରେଲରଟି ଏବେ ରିଲିଜ୍ ହେବା ମାତ୍ରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
‘ଦି ଫ୍ୟାମିଲି ମ୍ୟାନ ୨’ ର ଷ୍ଟ୍ରିମିଙ୍ଗ ଖୁବ୍ ଶୀଘ୍ର ଓଟିଟି ପ୍ଲାଟଫର୍ମ ଆମାଜନ ପ୍ରାଇମରେ ହେବାକୁ ଯାଉଛି । ସିରିଜ୍ ର ପ୍ରଥମ ସିଜିନ୍ ପରେ ଦ୍ୱିତୀୟ ସିଜିନ୍ ପାଇଁ ଦର୍ଶକ ଅପେକ୍ଷା କରି ରହିଥିଲେ । ଏହି ସିଜିନ୍ ରେ ମନୋଜ ବାଜେପେୟୀ ପରିବାର , ଅଫିସ ଏବଂ ଦେଶର ପ୍ରତ୍ୟକ ଦାୟିତ୍ୱ ତୁଲାଉଥିବାର ନଜର ଆସିବେ ।
ସିରିଜ୍ ଟିକୁ ଜୁନ୍ ମାସରେ ରିଲିଜ୍ ପାଇଁ ବିଚାର କରୁଛନ୍ତି ନିର୍ମାତା । ଫାଇନାଲ ଡ୍ରାଫ୍ଟରେ ରହିଛି ୱେବ ସିରିଜ୍ ଏବଂ ରିଲିଜ୍ ହେବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ।
