ମୁମ୍ବାଇ (ଏଟିଆର ବ୍ୟୁରୋ): ସୁପରଷ୍ଟାର ରଜନୀକାନ୍ତଙ୍କ ଆଗାମୀ ଫିଲ୍ମ ‘କାଲା’ର ଦ୍ୱିତୀୟ ପୋଷ୍ଟର ରିଲିଜ୍ ହୋଇ ଯାଇଛି । ଏହି ପୋଷ୍ଟରରେ ରଜନୀକାନ୍ତଙ୍କ ସହିତ ନାନା ପଟେକର ମଧ୍ୟ ନଜର ଆସିଛନ୍ତି । ପ୍ରଯୋଜକ ଏହି ପୋଷ୍ଟର ରିଲିଜ କରିବା ସମୟରେ ଫିଲ୍ମର ରିଲିଜ୍ ତାରିଖ ଧାର୍ଯ୍ୟ କରିଦେଇଛନ୍ତି । ଫିଲ୍ମଟି ୭ ଜୁନ୍ ରେ ପରଦାକୁ ଆସିବ ।
ପୂର୍ବରୁ ଏହି ଫିଲ୍ମର ରିଲିଜ୍ ୨୭ ଅପ୍ରେଲରେ ହେବାକୁ ଥିଲା । କିନ୍ତୁ ତାମିଲ ଫିଲ୍ମ ଇଣ୍ଡଷ୍ଟ୍ରିରେ ଚାଲିଥିବା ଷ୍ଟ୍ରାଇକ୍ ଯୋଗୁଁ ଫିଲ୍ମର ରିଲିଜ୍ ତାରିଖକୁ ଘୁଞ୍ଚାଇ ଦିଆ ଯାଇଥିଲା । ଏହା ପୂର୍ବରୁ ଚଳିତ ବର୍ଷ ହୋଲି ଅବସରରେ ‘କାଲା’ର ଟିଜର୍ ରିଲିଜ୍ କରାଯାଇ ଥିଲା । ଯାହା ଲୋକମାନଙ୍କୁ ଖୁବ୍ ପସନ୍ଦ ଆସିଥିଲା ।
ଫିଲ୍ମରେ ରଜନୀକାନ୍ତ, ଦକ୍ଷିଣରୁ ଆସିଥିବା ଏକ ଡନ୍ ଭୂମିକାରେ ଅଭିନୟ କରିଛନ୍ତି । ତାଙ୍କର ଏହି ଅବତାରକୁ ଦେଖିବା ପାଇଁ ଲୋକମାନେ ଖୁବ୍ ଉତ୍ସାହର ସହ ଅନେଇ ବସିଛନ୍ତି । ତାଙ୍କ ବ୍ୟତୀତ ଏହି ଫିଲ୍ମରେ ନାନା ପଟେକର ମଧ୍ୟ ନଜର ଆସିବେ ।
