ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନ ତଥା ବଲିଉଡର ଖୁବ୍ ଜଣାଶୁଣା ଫିଲ୍ମ ପ୍ରଯୋଜକ ହେଉଛନ୍ତି ଏକତା କପୁର । ମାତ୍ର ୧୯ ବର୍ଷ ବୟସରୁ ଟେଲି ଧାରାବାହିକରେ ପ୍ରଯୋଜନା କ୍ଷେତ୍ରରେ ପାଦ ଦେଇଥିବା ଏକତା ଅନେକ ଫିଲ୍ମ ଓ ସିରିୟଲରେ ପ୍ରଯୋଜନା କରିସାରିଛନ୍ତି । ସେ ଜଣେ ସୃଜନଶୀଳ ନିର୍ଦ୍ଦେଶିକା ଭାବେ ମଧ୍ୟ ଖୁବ୍ ଜଣାଶୁଣା । ବର୍ତ୍ତମାନ ଏକତା ବଲିଉଡର ସୁପରହିଟ୍ ଫିଲ୍ମ ‘କଭି ଖୁସି କଭି ଗମ୍’ର ଟିଭି ରିମେକ ନିର୍ମାଣ କରିବାକୁ ଯାଉଛନ୍ତି । ସେ ଏହି ଫିଲ୍ମକୁ ଏକ ଶୋ’ ଜରିଆରେ ରୂପାନ୍ତରିତ କରି ଟେଲିଭିଜନରେ ପରିବେଷଣ କରିବେ ।
ଏହି ଫିଲ୍ମର ରିମେକ୍ ପାଇଁ ଏପର୍ଯ୍ୟନ୍ତ କଳାକାର ମାନଙ୍କର ନାମ ସ୍ପଷ୍ଟ ହୋଇନଥିଲେ ମଧ୍ୟ ରଜତ ଟୋକସ,ବରୁଣ ସୁଦ୍, ବିଜୟ ଆନନ୍ଦ ଏବଂ ଏରିକା ଫର୍ଣ୍ଣାଡିଜ ଏଥିରେ ଅଭିନୟ କରିବେ ବୋଲି ଶୁଣିବାକୁ ମିଳୁଛି ।
ସୂଚନାନୁଯାୟୀ, ଫିଲ୍ମ ‘କଭି ଖୁସି କଭି ଗମ’ର କାହାଣୀଟି ଏକ ପାରିବାରିକ କାହାଣୀ ଉପରେ ଆଧାରିତ । ଯେଉଁଥିରେ ପରିବାରର ବଡ ପୁଅ ଏକ ଛୋଟ ପରିବାରର ଝିଅକୁ ବିବାହ କରିବା ଦ୍ୱାରା ତାଙ୍କୁ ନିଜ ପରିବାର ଛାଡିବାକୁ ପଡିଥିଲା । ଏହାପରେ ଛୋଟ ପୁଅ ପରିବାରକୁ ଯୋଡିବା ପାଇଁ ପ୍ରୟାସ କରିଥିଲେ ।
