ମୁମ୍ବାଇ (ଏଟିଆର ବ୍ୟୁରୋ): ସ୍ୱାଧୀନତା ଦିବସ ଅବସରରେ କଙ୍ଗନା ରଣାୱତଙ୍କ ଫିଲ୍ମ ‘ମଣିକର୍ଣ୍ଣିକା- ଦି କୁଇନ୍ ଅଫ୍ ଝାନସୀ’ର ପୋଷ୍ଟର ଭାଇରାଲ ହୋଇଛି । ପୋଷ୍ଟରରେ କଙ୍ଗନା ଝାନସୀ ରାଣୀ ଲୁକ୍ ରେ ନଜର ଆସୁଛନ୍ତି ।
ଏହାପୂର୍ବରୁ ଫିଲ୍ମ ସେଟ୍ ର ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଥିରେ ସେ ରାଣୀ ଲକ୍ଷ୍ମୀ ବାଈ ହୋଇଥିବାର ଦେଖିବାକୁ ମିଳିଥିଲା ।
ଏପର୍ଯ୍ୟନ୍ତ ନିର୍ମାତାଙ୍କ ପକ୍ଷରୁ ବିଶେଷ ଫଟୋ ଜାରି କରାଯାଇ ନାହିଁ । କିନ୍ତୁ ସୋସିଆଲ ମିଡିଆରେ ଭାଇରାଲ ପୋଷ୍ଟର ଅନୁଯାୟୀ ଆଗାମୀ ବର୍ଷ ଜାନୁଆରୀ ୨୫ରେ ଫିଲ୍ମଟି ରିଲିଜ୍ ହେବ ବୋଲି ଜାଣିବାକୁ ମିଳିଛି ।
ଫିଲ୍ମର ନିର୍ଦ୍ଦେଶନା ରାଧାକ୍ରିଷ୍ଣ ଜଗରଲାମୁଦି ଦେଇଥିବା ବେଳେ କାହାଣୀ ଲେଖିଛନ୍ତି ବି.ବିଜୟନ୍ଦ୍ର । ସେ ସଫା ସଫା କହିଛନ୍ତି କି ଫିଲ୍ମ ‘ବାହୁବଲୀ’ ଭଳି ଏହି ଫିଲ୍ମ ମଧ୍ୟ ବକ୍ସ ଅଫିସରେ ଧମାଲ ମଚାଇବ ।
