ମୁମ୍ବାଇ (ଏଟିଆର ବ୍ୟୁରୋ): ପାର୍ବଣ ଋତୁ ଅବସରରେ ଚାରିଆଡେ ଖୁସିର ମାହୋଲ ଥିବା ବେଳେ ବଲିଉଡ ଅଭିନେତା ସାହିଦ କପୁରଙ୍କ ଘରେ ଖୁସି ଦ୍ୱିଗୁଣିତ ହୋଇ ଯାଇଥିଲା । କାରଣ ତାଙ୍କ ଘରେ ଆଉ ଜଣେ ନୂଆ ଅତିଥିଙ୍କର ସ୍ୱାଗତ ହୋଇଥିଲା । ଆଜ୍ଞା ହଁ ମୀରା ଝିଅ ମୀଶାକୁ ଜନ୍ମଦେବା ପରେ ପୁଣି ଏକ ଶିଶୁ ପୁତ୍ର ଜନ୍ମ ଦେଇଛନ୍ତି । ଯାହା ନିଜେ ସାହିଦ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏ ବିଷୟରେ ସମସ୍ତଙ୍କୁ ଜଣାଇଥିଲେ ।
ଖବରମୁତାବକ, ଆକ୍ଟୋବର ୬ ତାରିଖରେ ମୀରା ଏକ ଶିଶୁ ପୁତ୍ର ଜନ୍ମ ଦେଇଥିଲେ । ଯାହାର ନାମ ରହିଛି ଜୈନ । ସାହିଦ ଏବଂ ମୀରାଙ୍କ ପୁଅଙ୍କୁ ଦେଖିବା ପାଇଁ ତାଙ୍କ ଫ୍ୟାନ୍ସମାନେ ଆଗ୍ରହର ସହ ଅନେଇ ବସିଥିଲେ । ସେଥିପାଇଁ ଦିପାବଳୀ ପରେ ପରେ ମୀରା ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ପୁଅ ଜୈନର ପ୍ରଥମ ଫଟୋ ଅପଲୋଡ କରିବା ସହ କ୍ୟାପସନରେ ଲେଖିଛନ୍ତି ହେଲୋ ୱାଲ୍ଡ ।
ଜୈନଙ୍କ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସମାନେ ତାଙ୍କୁ ତାଙ୍କ ମାତା-ପିତା ସହ ତୁଳନା କରିବା ଆରମ୍ଭ କରିଦେଇଥିଲେ । ଏଥିରେ ଜୈନ ଏକ ଖଇରିଆ ରଙ୍ଗର ଡ୍ରେସ ପିନ୍ଧି ଖୁବ୍ କ୍ୟୁଟ୍ ନଜର ଆସୁଛନ୍ତି ।
