ମୁମ୍ବାଇ (ଏଟିଆର ବ୍ୟୁରୋ):ବଲିଉଡର ବିଗ୍ ବି ମାନେ ଅମିତାଭ ବଚ୍ଚନ ଆଜି ୭୬ ବର୍ଷ ବୟସରେ ପାଦ ଥାପିଛନ୍ତି । ମହାନାୟକଙ୍କ ଜନ୍ମଦିନ ମାନେ ପାର୍ଟିର ଆୟୋଜନ ନିଶ୍ଚିତ ଭାବେ ହୋଇଥିବ ବୋଲି ଆପଣମାନଙ୍କ ମନରେ ନିହାତି ଆସିଥିବ । କିନ୍ତୁ ଏଥରକ ସେଭଳି କିଛି ବଡ ଆୟୋଜନ ହୋଇନାହିଁ । ସମ୍ପୂର୍ଣ୍ଣ ସାଧାସିଧା ଭାବରେ ଜନ୍ମଦିନ ପାଳିଛନ୍ତି ବିଗ୍ ବି । ରାଜ୍ କପୁରଙ୍କ ପତ୍ନୀ କୃଷ୍ଣା କପୁରଙ୍କ ନିଧନ ପାଇଁ ଏଭଳି ସରଳ ଭାବେ ଜନ୍ମଦିନ ପାଳିଥିବା ଜାଣିବାକୁ ମିଳିଛି ।
ଖବରମୁତାବକ, ୧୯୪୨ ମସିହା ଅକ୍ଟୋବର ୧୧ ଇହ୍ଲାବାଦରେ ଅମିତାଭ ବଚ୍ଚନଙ୍କ ଜନ୍ମ ହୋଇଥିଲା । ୧୯୬୯ରେ ହିନ୍ଦୁସ୍ତାନୀ ଫିଲ୍ମରୁ ସେ ତାଙ୍କର ଅଭିନୟ କ୍ୟାରିୟର ଆରମ୍ଭ କରିଥିଲେ । ନିଜର ଅଭିନୟ ଜୀବନରେ ସେ ଦର୍ଶକଙ୍କୁ ଅନେକ ସୁପରହିଟ୍ ଫିଲ୍ମର ଭେଟି ଦେଇଛନ୍ତି । ତାଙ୍କ ଅଭିନିୟ ପାଇଁ କେବଳ ଭାରତବାସୀ ପାଗଳ ତାହା ନୁହେଁ ବିଦେଶରେ ମଧ୍ୟ ତାଙ୍କର ଅନେକ ଫ୍ୟାନ ଅଛନ୍ତି । ଅଭିନୟ କରିବା ସହ ଗୀତ ଗାଇବାର ଦକ୍ଷତା ମଧ୍ୟ ତାଙ୍କ ପାଖରେ ଅଛି । ବର୍ତ୍ତମାନ ସେ କୌନ ବନେଗା କରୋଡପତିରେ ହୋଷ୍ଟ କରୁଥିବାର ନଜର ଆସୁଛନ୍ତି ।
ବିଗ୍ ବିଙ୍କ ଆଗାମୀ ଫିଲ୍ମ ଠଗ୍ସ ଅଫ୍ ହନ୍ଦୁସ୍ତାନ ଖୁବ୍ ଶୀଘ୍ର ପରଦାରେ ମୁକ୍ତିଲାଭ କରିବ ।
