ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ଜାହ୍ନବୀ କପୁର ତାଙ୍କର ଅପକମିଂ ଫିଲ୍ମ ‘ଗୁଡ ଲକ ଜେରୀ’ ର ସୁଟିଂ ଆରମ୍ଭ କରିଦେଇଛନ୍ତି । ପଞ୍ଜାବରେ ଆରମ୍ଭ ହୋଇଛି ସୁଟିଂ । ଜାହ୍ନବୀ ତାଙ୍କ ଅଫିସିଆଲ ଇଂଷ୍ଟାଗ୍ରାମରେ ଫିଲ୍ମର ପୋଷ୍ଟର ସେୟାର କରିଛନ୍ତି । ଯେଉଁଥିରେ ସେ ସମ୍ପୂର୍ଣ୍ଣ ଟ୍ରାଡିସନାଲ ଲୁକ୍ ରେ ନଜର ଆସୁଛନ୍ତି । ସେ ଏଥିରେ ଏକ ଫିକା ନୀଳ ରଙ୍ଗର ସାଲୱାର ସୁଟ୍ ପିନ୍ଧିବା ସହିତ ଏକ କମଳା ରଙ୍ଗର ଓଢଣୀ ପକାଇଛନ୍ତି । ଏହି ଫଟୋ ପୋଷ୍ଟ କରି ଜାହ୍ନବୀ କ୍ୟାପ୍ସନ ଦେଇଛନ୍ତି କି, ଗୁଡଲକଜେରୀ ।
ଫିଲ୍ମର ସୁଟିଂ ଆରମ୍ଭ ହେବା ନେଇ ଟ୍ରେଡ ଏନାଲିଷ୍ଟ ତରଣ ଆଦର୍ଶ ତାଙ୍କ ଟ୍ୱିଟରରେ ସୂଚନା ଦେଇଛନ୍ତି । ତରଣ ତାଙ୍କ ଟ୍ୱିଟରରେ ଫିଲ୍ମର ଫାଷ୍ଟ ଲୁକ ସେୟାର କରି ଲେଖିଛନ୍ତି କି, ଆନନ୍ଦ ଏଲ ରଏ ପ୍ରଡକ୍ସନ ଫିଲ୍ମ ଗୁଡ ଲକ୍ ଜେରୀ ର ସୁଟିଂ ପଞ୍ଜାବରେ ଆରମ୍ଭ କରିଛନ୍ତି ଜାହ୍ନବୀ । ଏହି ଫିଲରେ ଜାହ୍ନବୀଙ୍କ ବ୍ୟତିତ ଦୀପକ ଡୋବରିୟାଲ, ମିତା ବରିଷ୍ଠ ଏବଂ ନୀରଜ ସୁଦ ପ୍ରମୁଖ ଭୂମିକାରେ ନଜର ଆସିବେ । ସେହିପରି ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ସିଦ୍ଧାର୍ଥ ସେନଗୁପ୍ତା ରହିଛନ୍ତି ।
