ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମ ଅପେକ୍ଷା ସର୍ବଦା ନିଜ ବୟାନ ପାଇଁ ଚର୍ଚ୍ଚାରେ ରହିଥାନ୍ତି ବଲିଉଡ ଅଭିନେତ୍ରୀ କଙ୍ଗନା ରଣାୱତ୍ । ଏବେ କଙ୍ଗନାଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଦେଖିବାକୁ ମିଳୁଛି କି କଙ୍ଗନା ଚାଲିକି ଯାଉଥିବା ସମୟରେ ଅଚାନକ୍ ତାଙ୍କ ଟୋପି ଉଡି ଯାଉଛି । ଏହାକୁ ଦେଖି ସେ ନିଜେ ମଧ୍ୟ ହସିବାରେ ଲାଗିଛନ୍ତି ।
ମୁମ୍ବାଇ ବିମାନ ବନ୍ଦରରୁ ଏହି ଦୃଶ୍ୟ ଦେଖିବାକୁ ମିଳିଛି । କଙ୍ଗନା ଏକ ଲଙ୍ଗ ଆଉଟଫିଟ୍ ପିନ୍ଧିବା ସହ ମୁଣ୍ଡରେ ଏକ ବଡ ଟୋପି ପିନ୍ଧି ବିମାନ ବନ୍ଦରରେ ଯାଉଥିବା ବେଳେ ଅଚାନକ୍ ଜୋର ପବନ ହୋଇଥିଲା । ଫଳରେ ତାଙ୍କ ଟୋପି ଉଡିକି ତଳେ ପଡିଗଲା । ଏହାକୁ ଦେଖି କଙ୍ଗନା ବି ତାଙ୍କ ହସ ରୋକି ପାରିନଥିଲେ । ବର୍ତ୍ତମାନ ଏହି ଫନି ଭିଡିଓ ସୋସିଆଲ ମିଡିଆରେ ଧୁମ୍ ମଚାଉଛି ।
ସୂଚନା ଯୋଗ୍ୟ, କଙ୍ଗନା ଏବେ ଜୟଲଳିତା ବାୟୋପିକ ପାଇଁ ଖୁବ୍ ଚର୍ଚ୍ଚା ସାଉଣ୍ଟୁଛନ୍ତି । ଏହି ଫିଲ୍ମ ପାଇଁ ସେ ୨୪ କୋଟି ଟଙ୍କା ନେଇଛନ୍ତି ବୋଲି ଶୁଣିବାକୁ ମିଳୁଛି । ଏହାସହିତ ସେ ଏବେ ଫିଲ୍ମ ‘ମେଣ୍ଟାଲ ହୈ କ୍ୟା’ ର ସୁଟିଂ ରେ ବି ବ୍ୟସ୍ତ ଅଛନ୍ତି ।
