ନୂଆଦିଲ୍ଲୀ (ଏଟିଆର ବ୍ୟୁରୋ): କାର୍ତ୍ତିକ ଆର୍ଯ୍ୟାନଙ୍କ ଫିଲ୍ମ ଭୁଲ ଭୁଲୈୟା ୨ ମେ ୨୦ ରେ ପ୍ରେକ୍ଷାଳୟରେ ମୁକ୍ତିଲାଭ କରିବା ପରଠୁ ବକ୍ସ ଅଫିସରେ ତାର ଜଲୱା ଜାରି ରଖିଛି । ସମସ୍ତ ଫିଲ୍ମକୁ ପଛରେ ପକାଇ ଫିଲ୍ମଟି ଖୁବ ଆୟ କରିଛି । ଫିଲ୍ମଟି ପାଖାପାଖି ୨୦୦ କୋଟି ଛୁଇଁ ସାରିଛି । ମାତ୍ର ଏବେ ଆଉ ଏକ ଖବର ଶୁଣିବାକୁ ମିଳୁଛି । ଆଜ୍ଞା ହଁ ଦର୍ଶକଙ୍କ ସୁବିଧା ପାଇଁ ଫିଲ୍ମଟି ଏବେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ୍ କରାଯାଇଛି ।
ଏବେ ଘରେ ବସି ଫିଲ୍ମର ମଜା ନେଇ ପାରିବେ । ଆଜି ପିତୃ ଦିବସ ଅବସରରେ ଏହି ଫିଲ୍ମଟିକୁ ଓଟିଟି ପ୍ଲାଟଫର୍ମରେ ରିଲିଜ କରାଯାଇଛି । ଏନେଇ ନେଟଫ୍ଲିକ୍ସ ପକ୍ଷରୁ ସୂଚନା ଦିଆଯାଇଛି ।
