ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ମଲାଇକା ଅରୋରା ପୁଣି ଥରେ ନିଜ ଠୁମକା ରେ ଦର୍ଶକଙ୍କୁ ମତୁଆଲା କରାଇବେ । ଆଜ୍ଞା ହଁ ପୁଣି ପରଦାରେ ନିଜର ଜଲୱା ଦେଖାଇବାକୁ ଫେରୁଛନ୍ତି ମୁନୀ । ମଲାଇକା ଖୁବ୍ ଶୀଘ୍ର ଫିଲ୍ମ ‘ପଟାଖା’ର ଆଇଟମ ଗୀତରେ ନଜର ଆସିବେ । ଫିଲ୍ମରେ ମଲାଇକାଙ୍କ ଫାଷ୍ଟ ଲୁକ୍ ରିଲିଜ୍ ହୋଇ ସାରିଛି ।
ମଲାଇକା ଏହି ଗୀତର ଫାଷ୍ଟ ଲୁକକୁ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଫଟୋ ସେୟାର କରି କ୍ୟାପସନରେ ଲେଖିଛନ୍ତି – ‘ହେଲୋ ହେଲୋ’ । ମଲାଇକାଙ୍କ ଏହି ଲୁକ୍ କୁ ୟୁଜର୍ସ ଖୁବ୍ ପସନ୍ଦ କରୁଛନ୍ତି ।
ଏହି ଗୀତଟି ସେପ୍ଟମ୍ବର ୫ରେ ରିଲିଜ୍ ହେବ ବୋଲି ଜଣାପଡିଛି । ସୋସିଆଲ ମିଡିଆରେ ଏହି ଗୀତର ୧୦ ସେକେଣ୍ଡର ଏକ ଟିଜର ରିଲିଜ ହୋଇଛି । ଯେଉଁଥିରେ ମଲାଇକା ଠୁମକା ଲଗାଉଥିବାର ଦେଖିବାକୁ ମିଳିଛି ।
