ମୁମ୍ବାଇ (ଏଟିଆର ବ୍ୟୁରୋ): କ୍ରିକେଟ ବିଶ୍ୱକପ ୨୦୧୯ ଜାରି ରହିଛି । ଏହି ଅବସରରେ ରବିବାର ମ୍ୟାନଚେଷ୍ଟର ଠାରେ ଭାରତ-ପାକିସ୍ତାନ ମୁହାଁ ମୁହିଁ ହୋଇଥିଲେ । ମ୍ୟାଚ୍ ରେ ପାକିସ୍ତାନକୁ ଧୂଳି ଚଟାଇ ଥିଲା ଭାରତ । ସେପଟେ ମ୍ୟାଚ୍ ଦେଖିବା ପାଇଁ ଷ୍ଟାଡିୟମରେ ପହିଁଚିଥିଲେ ବଲିଉଡର ଅନେକ କଳାକାର । ସେମାନଙ୍କ ମଧ୍ୟରେ ସୈଫ୍ ଅଲ୍ଲୀ ଖାଁ ବି ସାମିଲ ଥିଲେ । ସୈଫ୍ ଯେତେବେଳେ ଷ୍ଟାଡିୟମରେ ପହଁଚିଥିଲେ ସେତେବେଳେ ଜଣେ ପାକିସ୍ତାନୀ ଫ୍ୟାନ୍ସ ତାଙ୍କ ସହିତ ଖରାପ ବ୍ୟବହାର କରିଥିଲେ । ଏହି ମସୟରେ ସୈଫ୍ ଙ୍କ ସହିତ ତାଙ୍କ ଫିଲ୍ମର ହିରୋଇନ୍ ଆଲିଆ ଫର୍ଣ୍ଣାଚରୱାଲା ମଧ୍ୟ ସାମିଲ ଥିଲେ ।
ଏହି ପାକିସ୍ତାନୀ ଫ୍ୟାନ ଜଣଙ୍କ ସୈଫ୍ ଅଲ୍ଲୀ ଖାଁଙ୍କ ପିଛା କରିବା ସହିତ ତାଙ୍କ ଭିଡିଓ କରି ତାଙ୍କୁ ଅଜବ ଗଜବ କଥା ମଧ୍ୟ କହିଛନ୍ତି । ଏହି ବ୍ୟକ୍ତି ଜଣଙ୍କ ସୈଫ୍ ଙ୍କୁ ଭାରତୀୟ କ୍ରିକେଟ ଟିମ୍ ୧୨ ନମ୍ବର ବୟ ମଧ୍ୟ କହିଛନ୍ତି । ଏହାସହିତ ସୈଫ୍ ତାଙ୍କ ଫିଲ୍ମରେ ଅନେକ ପାକିସ୍ତାନୀ ଲୋକଙ୍କୁ ମାରିଛନ୍ତି ବୋଲି ସେ ଅଭିଯୋଗ କରିଛନ୍ତି ।
ଏଡି ଭିଡିଓ ଭାଇରାଲ ହେବା ପରେ ପାକିସ୍ତାନୀ ଫ୍ୟାନକୁ କଡା ନିନ୍ଦା କରିଛନ୍ତି ୟୁଜର୍ସ । ହୁଏତ ଏହି ବ୍ୟକ୍ତି ଜଣକ କିଏ ତାହା ସ୍ପଷ୍ଟ ହୋଇ ନାହିଁ ।
Follow me guys 🙏 #SaifAliKhan #INDvPAK #IndiaVsPakistan #IndvsPak #CWC19 #indiapakistan #TrendingNow #WorldCup #Twitter #ManchesterWeather #indiawin #karrnvir pic.twitter.com/RnonGP6QOx
— Karrnvir (@Karrnvir1) June 16, 2019
ଖବରମୁତାବକ ଗତ କିଛି ଦିନ ହେବ ‘ସାକ୍ରେଡ ଗେମ୍ସ ୨’ ର ସୁଟିଂ ଶେଷ କରିଛନ୍ତି ସୈଫ୍ । ଏବେ ସେ ତାଙ୍କର ଆଉ ଏକ ଫିଲ୍ମ ‘ଜୱାନୀ ଜାନେମନ’ ପାଇଁ ଲଣ୍ଡନରେ ଅଛନ୍ତି । ଫିଲ୍ମରେ ଆଲିଆଙ୍କ ପିତା ଭୂମିକାରେ ସୈଫ ନଜର ଆସିବେ । ଏହି ଫିଲ୍ମରେ ଜରିଆରେ ଆଲିଆ ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ଯାଉଛନ୍ତି । ଏହାପୂର୍ବରୁ ଆଲିଆ ମଡେଲିଂ କ୍ଷେତ୍ରରେ ବହୁତ ସକ୍ରିୟ ଥିଲେ । ସୋସିଆଲ ମିଡିଆରେ ସେ ସର୍ବଦା ତାଙ୍କର ବୋଲ୍ଡ ଫଟୋ ପାଇଁ ଚର୍ଚ୍ଚାରେ ରହିଥାନ୍ତି ।
