ନୂଆଦିଲ୍ଲୀ (ଏଟିଆର ବ୍ୟୁରୋ): କିଙ୍ଗ ଖାଁ ଶାହରୁଖଙ୍କ ଫିଲ୍ମ ‘ପଠାନ୍’ ବକ୍ସଅଫିସରେ ଦମଦାର୍ ଆୟ କରି ବଲିଉଡକୁ ଏକ ବଡ ଲାଇଫଲାଇନ୍ ଦେଇଛି । ଦୀର୍ଘ ଦିନ ପରେ କିଙ୍ଗ ଖାଁଙ୍କ କମବ୍ୟାକ ଫ୍ୟାନ୍ସଙ୍କୁ ଖୁବ୍ ପସନ୍ଦ ଆସିଛି । ଯେଉଁଥି ପାଇଁ ସମସ୍ତଙ୍କ ଠାରେ ଦେଖିବାକୁ ମିଳୁଛି ପଠାନ୍ ର ଯାଦୁ । ପ୍ରଥମ ସପ୍ତାହରେ ରେକର୍ଡ ବ୍ରେକ ଆୟ କରି ସମସ୍ତଙ୍କୁ ଚକିତ କରିଦେଇଛି ପଠାନ୍ ।
ଟ୍ରେଡ ଅନାଲିଷ୍ଟ ତରଣ ଆଦର୍ଶଙ୍କ ମୁତାବକ, ପଠାନ୍, ରିଲିଜ୍ ହେବାର ୫ମ ଦିନ ୫୮.୫୦ କୋଟି ବମ୍ପର ଆୟ କରିଛି । ଏହାପର୍ବୂରୁ କୌଣସି ହିନ୍ଦୀ ଫିଲ୍ମ ୱିକେଣ୍ଡରେ ଏତେ ଆୟ କରିପାରି ନାହିଁ । ପଠାନ୍ ଏହି ରେକର୍ଡ ବ୍ରେକ ଆୟ କରି ଇତିହାସ ରଚିଛି ।
