ନୂଆଦିଲ୍ଲୀ (ଏଟିଆର ବ୍ୟୁରୋ): ସାଉଥ ଇଣ୍ଡିଆନ୍ ସୁପରଷ୍ଟାର ପ୍ରଭାସ ଏବେ ତାଙ୍କର ଦୁଇଟି ଅପକମିଂ ଫିଲ୍ମ ‘ଆଦିପୁରୁଷ’ ଏବଂ ‘ରାଧେ ଶ୍ୟାମ’ କୁ ନେଇ ଚର୍ଚ୍ଚାରେ ଅଛନ୍ତି । ଏହାରି ମଧ୍ୟରେ ରାଧେ ଶ୍ୟାମର ନିର୍ମାତା, ପ୍ରଭାସଙ୍କ ଫ୍ୟାନ୍ସମାନଙ୍କୁ ଏକ ଭେଟି ଦେଇଛନ୍ତି । ରାଧେ ଶ୍ୟାମର ଟିଜର କେବେ ରିଲିଜ୍ ହେବ ତାକୁ ଘୋଷଣା କରିଛନ୍ତି ମେକର୍ସ ।
ନିର୍ମାତାଙ୍କ କହିବାନୁଯାୟୀ ଆଜିଠୁ ଦୁଇ ଦିନ ପରେ ଅର୍ଥାତ ଫେବୃଆରୀ ୧୪ ରେ ରିଲିଜ୍ ହେବ ରାଧେ ଶ୍ୟାମର ଟିଜର । ସେହିପରି ଆଜି ପ୍ରଭାସ ତାଙ୍କ ଇଂଷ୍ଟାଗ୍ରାମରେ ଫିଲ୍ମର ଏକ ନୂତନ ପୋଷ୍ଟର ସେୟାର କରିଛନ୍ତି । ଯେଉଁଥିରେ ସେ ଏକ ବିଲ୍ଡିଂ ସାମ୍ନାରେ ବୁଲୁଥିବାର ନଜର ଆସୁଛନ୍ତି । ଏହି ଫୋଷ୍ଟର ସେ ଲେଖିଛନ୍ତି ରାଧେ ଶ୍ୟାମ ଫେବୃଆରୀ ୧୪ ସକାଳ ୯.୧୮ ରେ ।
ସେପଟେ ପ୍ରଭାସଙ୍କର ଏହି ପୋଷ୍ଟ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ସୂଚନାଯୋଗ୍ୟ, ଫିଲ୍ମ ରାଧେ ଶ୍ୟାମରେ ପ୍ରଭାସ ଏକ ଲଭର ବଏ ରୂପେ ନଜର ଆସିବେ । ଯିଏ ପୂଜା ହେଗଡେ ଙ୍କ ସହିତ ରୋମାନ୍ସ କରୁଥିବେ ।
