ନୂଆଦିଲ୍ଲୀ (ଏଟିଆର ବ୍ୟୁରୋ): ଖୁବ୍ ଶୀଘ୍ର ରିଲିଜ୍ ହେବ ଆଲିଆ ଭଟ୍ଟ-ରଣବୀର ସିଂହଙ୍କ ଫିଲ୍ମ ‘ରକି ଔର୍ ରାନୀ କି ପ୍ରେମ କାହାଣୀ’ । ଫିଲ୍ମର ଟ୍ରେଲର ଏବଂ ପ୍ରୋମୋ ଯେବେଠୁ ରିଲିଜ୍ ହୋଇଛି ସେବେଠୁ ଫିଲ୍ମ ଦେଖିବାର ଉତ୍ସାହ ଦର୍ଶକଙ୍କ ମଧ୍ୟରେ ଦୁଇଗୁଣା ହୋଇଯାଇଛି । କରଣ ଜୋହରଙ୍କ ଦ୍ୱାରା ନିର୍ଦ୍ଦେଶିତ ଏହି ହାଇ ବଜେଟ୍ ଫିଲ୍ମଟି ରିଲିଜ୍ ପୂର୍ବରୁ ବଜେଟ ରିକୋଭରି କରିସାରିଲାଣି ।
ବଲିଉଡ ହଙ୍ଗାମା ରିପୋର୍ଟ ମୁତାବକ,ରକି ଔର ରାନୀ କି ପ୍ରେମ କାହାଣୀର ଟୋଟାଲ ବଜେଟ ୧୭୮ କୋଟି । ଯେଉଁଥିରୁ ଫିଲ୍ମ ପ୍ରଡକ୍ସନ ପାଇଁ କରଣ ଜୋହର ୧୬୦ କୋଟି ଲଗେଇଥିବା ବେଳେ ୧୮ କୋଟି ଫିଲ୍ମ ପ୍ରମୋଶନ ପାଇଁ ବ୍ୟବହାର ହୋଇଛି । ସେଥିମଧ୍ୟରୁ ଫିଲ୍ମ ପ୍ରଡକ୍ସନର ବଜେଟ୍ ରିକୋଭରି ହୋଇସାରିଲାଣି ।
ରିପୋର୍ଟ ମୁତାବକ,ଆମାଜନ ପ୍ରାଇମ ଫିଲ୍ମର ଡିଜିଟାଲ ରାଇଟ୍ସ ୮୦ କୋଟିରେ କିଣିଛି । ସେହିପରି ଫିଲ୍ମର ମ୍ୟୁଜିକ ରାଇଟ୍ସ ୩୦ କୋଟି ଏବଂ ସାଟେଲାଇଟ ରାଇଟ୍ସ ୫୦ କୋଟିରେ ବିକ୍ରି ହୋଇଛି । ଏହାକୁ ମିଶାଇ ମୋଟ ୧୬୦ କୋଟି ରିକୋଭରି ହୋଇସାରିଛି ।
ସେହିପରି ଫିଲ୍ମର ଆଡଭାନ୍ସ ବୁକ୍ିଂ ମଧ୍ୟ ଆରମ୍ଭ ହୋଇଗଲାଣି । ସୋମବାରଠୁ ଆରମ୍ଭ ହୋଇଛି ଆଡଭାନ୍ସ ବୁକିଂ । ଏପର୍ଯ୍ୟନ୍ତ ୭୫ ଲକ୍ଷ ଟଙ୍କା ଆୟ କରିସାରିଲାଣି ।
