ମୁମ୍ବାଇ (ଏଟିଆର ବ୍ୟୁରୋ): ସଞ୍ଜୟ ଦତ୍ତଙ୍କ ବାୟୋପିକ ଫିଲ୍ମ ‘ସଞ୍ଜୁ’ର ଏବେ ଚାରିଆଡୁ ଖୁବ୍ ଚର୍ଚ୍ଚା ହେଉଛି । ପ୍ରତ୍ୟେକ ଲୋକ ସଞ୍ଜୟ ଦତ୍ତଙ୍କ ବ୍ୟକ୍ତିଗତ ଜୀବନ ବିଷୟରେ ଆଲୋଚନା କରୁଛନ୍ତି । ସବୁଠାରୁ ହୃଦୟ ସ୍ପର୍ଶି କଥା ହେଉଛି ତାଙ୍କ ଜୀବନରେ ୩୦୮ ଜଣ ଗର୍ଲଫ୍ରେଣ୍ଡ ଥିଲେ । ଏହି ଫିଲ୍ମ ମାଧ୍ୟମରେ ସଞ୍ଜୟଙ୍କ ଜୀବନର ଅନେକ ରାଜ ସମ୍ନାକୁ ଆସିଛି ।
ମୁମ୍ବାଇର ବୋମା ବିସ୍ଫୋରଣ ମାମଲାରେ ଜେଲ ଦଣ୍ଡାଦେଶ ଭୋଗିବା ପରେ ଏବେ ଫିଲ୍ମ ନିର୍ମାଣ କାର୍ଯ୍ୟ କରିବା ପାଇଁ ମଇଦାନକୁ ଓହ୍ଲାଉଛନ୍ତି ସଞ୍ଜୁବାବା । ସେ ତାଙ୍କ ମା’ ନର୍ଗିସଙ୍କ ଜନ୍ମଦିନ ଅବସରରେ ତାଙ୍କ ଫିଲ୍ମର ସୁଟିଂ ଆରମ୍ଭ କରିବେ । ଏହି ଫିଲ୍ମଟି ଏକ ତେଲୁଗୁ ଫିଲ୍ମ ପ୍ରସ୍ଥାନମର ହିନ୍ଦି ରିମେକ୍ ହେବ । ୨୦୧୦ରେ ଦେବାକଟ୍ଟାଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ପ୍ରସ୍ଥାନମ ରିଲିଜ୍ ହୋଇଥିଲା । ଏବଂ ଏହି ଫିଲ୍ମଟି ଖୁବ୍ ହିଟ୍ ହୋଇଥିଲା ।
କୋରଣ ଜୋହରଙ୍କ ଫିଲ୍ମ ‘କଳଙ୍କ’ରେ ଅଭିନେତ୍ରୀ ମାଧୁରୀଙ୍କ ସହ ନଜର ଆସିବେ ସଞ୍ଜୟ ଦତ୍ତ । ଏହାସହିତ ସଞ୍ଜୟଙ୍କୁ ଫିଲ୍ମ ‘ଟୋରବାଜ୍’ ରେ ମଧ୍ୟ ଦେଖିବାକୁ ପାଇବେ ଦର୍ଶକ । ଏହି ଫିଲ୍ମର ସୁଟିଂ ଆରମ୍ଭ ହୋଇଗଲାଣି ।
