ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ସୁପରଷ୍ଟାର ଶାହରୁଖ ଖାଁ ଏବେ ତାଙ୍କର ଅପକମିଂ ଫିଲ୍ମ ‘ଡଙ୍କି’ ର ସୁଟିଂ ରେ ବ୍ୟସ୍ତ । ଏବେ ସେ ସୁଟିଂ ପାଇଁ କାଶ୍ମୀରରେ ପହଁଚିଛନ୍ତି । ନିକଟରେ ଶାହରୁଖ ଙ୍କର କିଛି ଭିଡିଓ ଭାଇରାଲ ହୋଇଥିଲା । ଯେଉଁଥିରେ ସେ କାଶ୍ମୀରରେ ତାଙ୍କ ମ୍ୟାନେଜର ସହ ନଜରକୁ ଆସିଥିଲେ ।
ରାଜକୁମାର ହିରାନୀଙ୍କ ନିର୍ଦ୍ଦେଶନାରେ ପ୍ରସ୍ତୁତ ଡଙ୍କି’ ର ସୁଟିଂ ଖୁବ୍ ଶୀଘ୍ର ଶେଷ ହେବାକୁ ଯାଉଛି । ଏବେ ଫିଲ୍ମକୁ ନେଇ ଆଉ ଏକ ଅପଡେଟ ସାମ୍ନାକୁ ଆସିଛି ।
ରିପୋର୍ଟ ମୁତାବକ, ଫିଲ୍ମ ପାଇଁ ଅଣ୍ଡରୱାଟର ସିକ୍ୱେନ୍ସର ସୁଟିଂ ହେବ । ଫିଲ୍ମଟି ଆକ୍ସନ ସିକ୍ୱେନ୍ସ ଉପରେ ଆଧାରିତ ନୁହେଁ କିନ୍ତୁ ଏଥିରେ ଏହାର ଏକ ଗୁରୁତ୍ୱପୂର୍ଣ୍ଣ ପାର୍ଟ ଅଛି ଯାହା ଫିଲ୍ମର କାହାଣୀକୁ ଏକ ମହତ୍ୱପୂର୍ଣ୍ଣ ମୋଡକୁ ନେବାରେ ସାହାଯ୍ୟ କରିବ ।
