ମୁମ୍ବାଇ (ଏଟିଆର ବ୍ୟୁରୋ): ଦିଲବର୍ ଗୀତରୁ ସ୍ୱତନ୍ତ୍ର ପରିଚୟ ସୃଷ୍ଟ କରିଥିବା ନୋରା ଫତେହିଙ୍କ ଫ୍ୟାନ ଫଲୋଇଙ୍ଗ ଦିନକୁ ଦିନ ବଢିବାରେ ଲାଗିଛି । ପ୍ରତ୍ୟେକ ଦିନ ନୋରାଙ୍କ ଡ୍ୟାନ୍ସ ପରଫରମାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଛନ୍ତି । ଇତି ମଧ୍ୟରେ ନୋରାଙ୍କ ଆଉ ଏକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଯେଉଁଥିରେ ସେ ଶ୍ରଦ୍ଧା କପୁରଙ୍କ ସହ ନଜର ଆସିଛନ୍ତି ।
ଫିଲ୍ମ ‘ଷ୍ଟ୍ରିଟ ଡ୍ୟାନ୍ସର’ସେଟରୁ ଭିଡିଓଟି କରାଯାଇଛି । ଏଥିରେ ନୋରା ଏବଂ ଶ୍ରଦ୍ଧା ଦୁହେଁ ଦୁହିଁଙ୍କୁ ଡ୍ୟାନ୍ସ ଚ୍ୟାଲେଞ୍ଜ କରୁଥିବାର ନଜର ଆସୁଛନ୍ତି । ଏହାସହିତ ପ୍ରଥମେ ନୋରାକୁ ଶ୍ରଦ୍ଧା ଏକ ଡ୍ୟାନ୍ସ ଚ୍ୟାଲେଞ୍ଜ ଦେଇଥିଲେ । ଏହାପରେ ଏହି ଚ୍ୟାଲେଞ୍ଚକୁ ନୋରା ପୂରଣ କରି ଶ୍ରଦ୍ଧାଙ୍କୁ ଆଉ ଏକ ଚ୍ୟାଲେଞ୍ଜ ଦେଉଛନ୍ତି । ଏଭଳି କିଛି ସମୟ ଯାଏଁ ଦୁହିଁଙ୍କ ମଧ୍ୟରେ ମୁକାବିଲା ଚାଲୁଛି । କିନ୍ତୁ ଯେତେବେଳେ ଏତି ମୁକାବିଲା ମଧ୍ୟରେ ବରୁଣ ଆସିଯାଉଛନ୍ତି, ଶ୍ରଦ୍ଧା ତାଙ୍କୁ ବି ହଟାଇ ଦେଉଛନ୍ତି ।
ଏବେ ଦୁହିଁଙ୍କ ମଧ୍ୟରେ ହୋଇଥିବା ଚ୍ୟାଲେଞ୍ଜର ରେଜଲ୍ଟ ତ ସାମ୍ନାକୁ ଆସି ନାହିଁ କିନ୍ତୁ ପରେ ଦୁଇ ଅଭିନେତ୍ରୀ ହସା ହସି ହୋଇ ହଗ୍ କରୁଛନ୍ତି । ଏହି ଭିଡିଓକୁ ଫିଲ୍ମ ନିର୍ଦ୍ଦେଶକ ରୋମୋ ଡିସୁଜା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଏହାସହିତ କ୍ୟାପସନ ଦେଇଛନ୍ତି ‘ଅଲ୍ଟିମେଟ୍ ଫେସ୍ ଅଫ୍’ । ନୋରା ଏବଂ ଶ୍ରଦ୍ଧାଙ୍କ ଏହି ଭିଡିଓକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଛନ୍ତି । ଭିଡିଓକୁ ଏପର୍ଯ୍ୟନ୍ତ ୪ ଲକ୍ଷରୁ ଅଧିକ ଲୋକ ଦେଖି ସାରିଲେଣି ।
