କୋଲକାତା(ଏଟିଆର ବ୍ୟୁରୋ): ଦେବତା ସାଜିଥିବା ସୋନୁ ସୁଦଙ୍କ ପ୍ରତିମୂର୍ତ୍ତୀ ଏବେ ପୂଜା ମଣ୍ଡପରେ । ଲୋକପ୍ରିୟ ଅଭିନେତା ସୋନୁ ସୁଦ୍ କରୋନା ସଙ୍କଟ ସମୟରେ ପ୍ରବାସୀ ଶ୍ରମିକଙ୍କୁ ସହାୟତା କରିଛନ୍ତି। ଏହି କାରଣରୁ ଆଜି ଘରେ ଘରେ ଖାଲି ଜଣେ ଅଭିନେତା ହିସାବରେ ନୁହେଁ ବରଂ ଜଣେ ପ୍ରକୃତ ହିରୋ ଭାବେ ପରିଚିତ। ଯେତେ ବଡ଼ ସମସ୍ୟା ବା ଅସୁବିଧା ହେଉନା କାହିଁକି, ସୋନୁ ସମସ୍ତଙ୍କୁ ହୃଦୟ ଖୋଲି ସହାୟତା କରନ୍ତି।
ଲକଡାଉନ ସମୟରେ କେତେବେଳେ ସ୍ୱତନ୍ତ୍ର ବସ୍ ବ୍ୟବସ୍ଥା କରି ପ୍ରବାସୀ ଶ୍ରମିକମାନଙ୍କୁ ନିଜ ରାଜ୍ୟକୁ ଫେରିବାରେ ସାହାଯ୍ୟ କରିଛନ୍ତି, ତ ଆଉଲ କେତେବେଳେ ବିଦେଶରେ ଫସିଥିବା ଛାତ୍ରଛାତ୍ରୀଙ୍କୁ ବିମାନ ଯୋଗେ ଭାରତ ଫେରାଇ ଆଣିଛନ୍ତି। ସାଧାରଣ ଲୋକଙ୍କୁ ସହାୟତା କରିବାକୁ ସବୁବେଳେ ସୋନୁ ସୁଦ ଆଗକୁ ଆସିଛନ୍ତି । ସୋନୁଙ୍କୁ ତାଙ୍କ ଭଲ କାମ ପାଇଁ ସମ୍ମାନ ଜଣାଇବାକୁ କୋଲକାତାର ଏକ ଦୁର୍ଗା ପୂଜା ମଣ୍ଡପରେ ତାଙ୍କର ଏକ ପ୍ରତିମୂର୍ତ୍ତି ସ୍ଥାପନ କରାଯାଇଛି। ମଣ୍ଡପର ଥୀମ୍ ଅନୁଯାୟୀ ଆଖ ପାଖରେ ପ୍ରବାସୀ ଶ୍ରମିକଙ୍କୁ ରଖାଯାଇଛି। ସେମାନଙ୍କ ଦୁଃଖ, ଯନ୍ତ୍ରଣା ପ୍ରଦର୍ଶନ କରାଯାଇଛି। ଯେଉଁଭଲି ଭାବେ ସୋନୁ ସମସ୍ତଙ୍କୁ ସହାୟତା କରିଥିଲେ ଠିକ ସେହିଭଳି ଭାବେ ସମସ୍ତଙ୍କ ଚିତ୍ର ପ୍ରତିପାଦନ କରାଯାଇଛି ।
