ମୁମ୍ବାଇ (ଏଟିଆର ବ୍ୟୁରୋ): ଉରି ଦି ସର୍ଜିକାଲ ଷ୍ଟ୍ରାଇକ ପରେ ଏବେ ଆଦିତ୍ୟ ଧାରଙ୍କ ଫିଲ୍ମ ଦି ଇମୋର୍ଟାଲ ଅଶ୍ୱଥାମା ରେ ନଜର ଆସିବେ ବଲିଉଡ ଅଭିନେତା ଭିକ୍କି କୌଶଲ । ଫିଲ୍ମର ପୋଷ୍ଟର ଏବେ ସାମ୍ନାକୁ ଆସି ସାରିଛି । ଭିକ୍କି ଏହି ଫିଲ୍ମର ପୋଷ୍ଟର ସେୟାର କରି କହିଛନ୍ତି କି, ନିଜ ଡ୍ରିମ ଟିମ୍ ସହିତ ଏକ ନୂତନ ଯାତ୍ରା ଆରମ୍ଭ ହେବାକୁ ଯାଉଛି ।
ଫିଲ୍ମର ଦୁଇଟି ପୋଷ୍ଟର ସେୟାର କରିଛନ୍ତି ଭିକ୍କି । ଯାହା ଖୁବ୍ ଜବରଦସ୍ତ ହୋଇଛି । ସେହିପରି ଏହି ପୋଷ୍ଟରକୁ ତାଙ୍କ ପ୍ରଶଂସକ ମଧ୍ୟ ଖୁବ୍ ପସନ୍ଦ କରୁଛନ୍ତି । ଏହି ଫିଲ୍ମ ପାଇଁ ଭିିକ୍କି ମିକ୍ସଡ ମାର୍ଶଲ ଆର୍ଟସ ର ଟ୍ରେନିଙ୍ଗ ନେଉଛନ୍ତି ।
ଏହି ଫିଲ୍ମରେ ଭିକ୍କି, ମହାଭାରତର ମହାନ ଯୋଦ୍ଧା ‘ଅଶ୍ୱଥାମା’ ଚରିତ୍ରରେ ଅଭିନୟ କରିବେ । ଏପ୍ରିଲ ୨୦୨୧ ରୁ ଏହି ଫଲ୍ମର ସୁଟିଂ ଆରମ୍ଭ ହେବ । କୁହାଯାଉଛି କି ଫିଲ୍ମଟି ୩ ଟି ପାର୍ଟରେ ରିଲିଜ୍ ହେବ ।
ଖବରମୁତାବକ, ଏହି ଫିଲ୍ମ ପାଇଁ ଭିକ୍କିଙ୍କୁ ନିଜ ଓଜନକୁ ଶହେ କିଲୋରୁ ଅଧିକ କରିବାକୁ ହେବ । ସେଥିପାଇଁ ସେ ଲଗାତର ଭାବେ ୱାର୍କଆଉଟ କରୁଛନ୍ତି । ଏହାସହିତ ସେ ହର୍ସ ରାଇଡିଙ୍ଗ ସହ ମାର୍ଶଲ ଆର୍ଟସ ର ମଧ୍ୟ ଟ୍ରେନିଙ୍ଗ ନେଉଛନ୍ତି । ପ୍ରକୃତରେ ଏପର୍ଯ୍ୟନ୍ତ ଫିଲ୍ମର ସୁଟିଂ ଆରମ୍ଭ ହୋଇଯିବା କଥା କିନ୍ତୁ ମହାମାରୀ କରୋନା ପାଇଁ ଏପ୍ରିଲରେ ଏହାର ସୁଟିଂ ଆରମ୍ଭ ହେବ ।
