ମୁମ୍ବାଇ( ଏଟିଆର ବ୍ୟୁରୋ) : ଚଳିତ ବର୍ଷ ରିଲିଜ ହୋଇଥିବା ସବୁ ସିନେମାର ରେକର୍ଡ ଭାଙ୍ଗିଛି ସାହିଦ କପୁରଙ୍କ ଅଭିନୀତ କବିର ସିଂ । ଯଦ୍ୱାରା ଏବର୍ଷର ସବୁଠାରୁ ବଡ ସିନେମା ହୋଇଛି କବିର ସିଂ । ଏହି ସିନେମାର ବ୍ୟବସାୟକୁ ଯଦି ଆମେ ଦେଖିବା ଏହି ସିନେମା ଚଳିତ ବର୍ଷର ବ୍ଲକବଷ୍ଟର ସିନେମା ସାବ୍ୟସ୍ତ ହୋଇଛି । ଏହି ସିନେମାଟି ରିଲିଜ ହେବାର କୋଡିଏ ଦିନରେ ୨୪୬ କୋଟି ଟଙ୍କା କମାଇ ସାରିଲାଣି ।
ସୂଚନାଯୋଗ୍ୟ ଉରୀ ଦ ସର୍ଜିକାଲ ଷ୍ଟ୍ରାଇକ ବର୍ଷ ତମାମରେ ୨୪୫ କୋଟି ଟଙ୍କା ରୋଜଗାର କରିଥିଲା । ଯାହାର ରେକର୍ଡ ଭାଙ୍ଗିଛି ସାହିଦ କପୁର ଓ କିଆରା ଆଡଭାନିଙ୍କ “କବିର ସିଂ’’ । ସବୁଠାରୁ ବଡ କଥା ହେଉଛି ସିନେମାଟିକୁ ଦେଖିବାକୁ ଆଜି ବି ହଲରେ ଭିଡ ଦେଖିବାକୁ ମିଳୁଛି ।
ଜାଣି ରଖନ୍ତୁ ଏବର୍ଷ ରିଲିଜ ହୋଇଥିବା କିଛି ସିନେମାର ପୁରା ବ୍ୟବସାୟ
୧. କବିର ସିଂ- ୨୪୬ .୨୮ କୋଟି
୨. ଉରୀ- ୨୪୫.୩୬ କୋଟି
୩. ଭାରତ-୨୧୧.୦୭ କୋଟି
୪. କେଶରୀ-୧୫୪.୪୧ କୋଟି
୫. ଟୋଟାଲ ଧମାଲ- ୧୫୪.୨୩ କୋଟି
ସିନେମାର ସଫଳତା ଓ ବ୍ୟବସାୟ ପାଇଁ ସାହିଦ କପୁର ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି । ସେ ଆହୁରି ମଧ୍ୟ କହିଛନ୍ତି କବିର ସିଂର ଭୁଲ କୁ କ୍ଷମା କରି ଆପଣ ମାନେ ଢେର ସାରା ଭଲ ପାଇବା ଦେଇଛନ୍ତି । କବିର ସିଂ ଆଜି ଦିନରେ ୩ .୧୧ କୋଟି ଟଙ୍କା ଆୟ କରିଛି ।
