ମୁମ୍ବାଇ : ନିର୍ମାଣ ହେବାକୁ ଯାଉଛି ମିଶାଇଲ ମ୍ୟାନ ଭାବେ ପରିଚିତ ପୂର୍ବତନ ରାଷ୍ଟ୍ରପତି ଡ. ଏପିଜେ ଅବଦୁଲ କଲାମ ବାୟୋପିକ । ଏହି ବାୟୋପିକରେ ବଲିଉଡର ଲୋକପ୍ରିୟ ଅଭିନେତା ପରେଶ ରାୱତ ମୁଖ୍ୟ ଭୂମିକାରେ ଅଭିନେୟ କରିବାକୁ ଯାଉଛନ୍ତି । ଏହାର ସୂଚନା ଅଭିନେତା ପରେଶ ରାୱତ ନିଜ ଟ୍ୱିଟର ଆକାଉଣ୍ଟାରେ ଟ୍ୱିଟ୍ କରି ଦେଇଛନ୍ତି । ପରେଶ ଲେଖଛନ୍ତି, ମୋ ମତରେ ସେ ସନ୍ଥ କଲାମ ଥିଲେ । ଏବଂ ମୁଁ ନିଜକୁ ଗର୍ବତ ଅନୁଭବ କରିଛି କି ମୁଁ ତାଙ୍କ ବାୟୋପିକରେ ଅଭିୟନ କରିବାର ସୁଯୋଗ ପାଉଛି ।
In my humble opinion he was SAINT KALAM !i am so blessed and fortunate that I will be playing KALAM Saab in his biopic . https://t.co/0e8K3O6fMB
— Paresh Rawal (@SirPareshRawal) January 4, 2020
ତେବେ ପରେଶ ଏହା ପୂର୍ବରୁ ନରେନ୍ଦ୍ର ମୋଦିଙ୍କ ବାୟୋପିକରେ ଅଭିନୟ କରିଥିବା ବେଳେ ଏହି ଫିଲ୍ମଟି ରିଲିଜ ହୋଇପାରିନଥିଲା । କାରଣ ବିବେକ ଓବରଏଙ୍କର ଅଭିନୀତ ଫିଲ୍ମ ପିଏମ ନରେନ୍ଦ୍ର ମୋଦି ପରଦାକୁ ଆସିଯାଇଥିଲା । ସେଥିପାଇଁ ପରେଶଙ୍କର ଫିଲ୍ମକୁ ବନ୍ଦ କରିଦିଆଯାଇଥିଲା । ସେପଟେ ଏବେ ସବୁ ଆଡେ ବାୟୋପିକର ଟ୍ରେଣ୍ଡ ଚାଲିଥିବା ବେଳେ ଏହି ଫିଲ୍ମ ଗୁଡିକ ଦର୍ଶକଙ୍କୁ ବେଶ୍ ପସନ୍ଦ ଆସୁଛି । ଯାହାଫଳରେ ଏହା ବକ୍ସ ଅଫିସରେ ହିଟ ହେବା ସହ ଭଲ ବ୍ୟବସାୟ ମଧ୍ୟ କରୁଛି । ଯାହାକୁ ଦେଖି ପ୍ରଯୋଜନା ସଂସ୍ଥାମାନେ ମଧ୍ୟ ଏହିଭଳି ଫିଲ୍ମ ନିର୍ମାଣ କରିବାକୁ ଆଗ୍ରହ ପ୍ରକାଶ କରୁଛନ୍ତି ।
