ମୁମ୍ବାଇ ( ଏଟିଆର ବ୍ୟୁରୋ) : ଦବଙ୍ଗ ଗାର୍ଲ ସୋନାକ୍ଷୀ ସିହ୍ନାଙ୍କ ବଲିଉଡରେ ୯ ବର୍ଷ ପୂରଣ ହୋଇଛି । ଏ ନେଇ ଖୋଦ ସୋନାକ୍ଷୀ ସୂଚନା ଦେଇଛନ୍ତି । ଚାହୁଁ ଚାହୁଁ ୯ ବର୍ଷ ବିତି ଗଲାଣି ହେଲେ ଲାଗୁଛି ଯେମିତି କାଲି ପରି । ସୋନାକ୍ଷୀ ବର୍ଷ ୨୦୧୦ରେ ଦବଙ୍ଗରେ ସଲମାନ ଖାନଙ୍କ ନାୟିକା ହୋଇ ବଲିଉଡରେ ଏଣ୍ଟ୍ରି କରିଥିଲେ । ତେବେ ୩୨ ବର୍ଷୀୟ ସୋନୀକ୍ଷୀ ବଲିଉଡରେ ତାଙ୍କର ୯ ବର୍ଷ ପୂରଣକୁ ନେଇ ଇନଷ୍ଟାଗାମରେ ଏକ ପୋଷ୍ଟ ମଧ୍ୟ କରିଛନ୍ତି ।
ସେ ଏହି ପୋଷ୍ଟରେ ନିଜର ସେହି ଅଭୁଲା ଦିନର ଭାବନାକୁ ମଧ୍ୟ ସେୟାର କରିଛନ୍ତି । ସେ ଲେଖିଛନ୍ତି ୨୦୧୦ ମସିହା ୧୦ ସେପ୍ଟେମ୍ଭରରେ ପ୍ରଥମ କରି ମୁଁ ଜଣେ ଅଭିନେତ୍ରୀ ଭାବେ ଦର୍ଶକଙ୍କ ମନୋରଞ୍ଜନ କରିଥିଲି । ଯାହା ମୋ କଳାକାର ଜୀବନର ଆରମ୍ଭ ଥିଲା । ମୁଁ ଜାଣି ପାରୁନି ସମୟ କେମିତି ଚାଲିଗଲା । ଏ ସବୁକିଛି କାଲି ପରି ଲାଗୁଛି ।
ରାଜନେତା ଓ ବରିଷ୍ଠ ଅଭିନେତା ସତୃଘ୍ନ ସିହ୍ନାଙ୍କ ଝିଅ ସୋନାକ୍ଷୀ ଏହି ୯ ବର୍ଷ ଭିତରେ ବହୁ ସଫଳ ସିନେମା ବଲିଉଡକୁ ଦେଇ ସାରିଲେଣି । ରାଉଡି ରାଠୋର, ସନ ଅଫ ସର୍ଦାର, ଦବଂଙ୍ଗ-୨, ଅକିରା ଭଳି ସଫଳ ସିନେମା ଭେଟି ଦେଇଛନ୍ତି । ସୂଚନାଯୋଗ୍ୟ ସୋନାକ୍ଷୀ ଏବେ ଦବଙ୍ଗ-୩ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି ।
