ଭୁବନେଶ୍ୱର (ଏଟିଆର ବ୍ୟୁରୋ): ଅଭିନେତା ସୁଶାନ୍ତ ସିଂଙ୍କ ମୃତ୍ୟୁ ପରଠାରୁ ଦିନକୁ ଦିନ ଅନେକ ରୋଚକ ତଥ୍ୟ ସାମ୍ମାକୁ ଆସୁଛି । ସୁଶାନ୍ତଙ୍କୁ ମୃତ୍ୟୁର ରହସ୍ୟ ଖୋଲିବା ପାଇଁ ସିବିଆଇ ହାତକୁ ତଦନ୍ତ ଯିବା ପରେ ବଲିଉଡ ସହ ଡ୍ରକ୍ସର ସମ୍ପର୍କ ସମ୍ମାକୁ ଆସିବାରେ ଲାଗିଛି । ମୁଖ୍ୟ ଅଭିଯୁକ୍ତ ରିୟାକୁ ପଚାରା ଉଚରା ସମୟରେ ରିୟାଙ୍କର ଡ୍ରକ୍ସ ସହ ସମ୍ପର୍କ ରହିଥିବା ସ୍ୱୀକାର କରିଥିଲେ । ଏହାସହ ବଲିଉଡ ଜଗତର ନାମୀଦାମୀ ୨୫ଜଣ ବ୍ୟକ୍ତିଙ୍କର ନା ନେଇଥିଲେ । ରିୟାଙ୍କ ବକ୍ତବ୍ୟକୁ ଆଧାର କରି ବଲିଉଡର ୮୦% ତାରକା ଡ୍ରଗ୍ସରେ ଅଛନ୍ତି।
ସେମାନଙ୍କ ମଧ୍ୟରୁ ମୁଖ୍ୟତଃ ପାଞ୍ଚ ଜଣ ଏବେ ଏନସିବି ସମନ ଜାରି କରିପାରେ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । ଏହି ପାଞ୍ଚଜଣଙ୍କ ମଧ୍ୟରେ ବଲିଉଡର ଦୁଇଜଣ ପ୍ରସିଦ୍ଧ କଳାକାର ରହିଛନ୍ତି । ସେହି ଦୁଇ ଅଭିନେତ୍ରୀ ହେଉଛନ୍ତି ସାରା ଅଲ୍ଲୀଖାଁ ଓ ରାକୁଲ ପ୍ରୀତ ସିଂ ।
ତେବେ ଯାହା ଚର୍ଚ୍ଚା ହେଉଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଅଭିନେତ୍ରୀ ସାରା ଅଲି ଖାନ ଏବଂ ରାକୁଲ ପ୍ରୀତ ସିଂ, ଡିଜାଇନର୍ ସିମୋନ ଖମ୍ବଟ୍ଟା, ସୁଶାନ୍ତଙ୍କ ବନ୍ଧୁ ତଥା ପୂର୍ବତନ ମ୍ୟାନେଜର ରୋହିନୀ ଆୟର ଏବଂ ଚଳଚ୍ଚିତ୍ର ନିର୍ମାତା ମୁକେଶ ଛାବ୍ରାଙ୍କୁ ରିୟା ଚକ୍ରବର୍ତ୍ତୀଙ୍କ ବିସ୍ଫୋରକ ସ୍ୱୀକାର ପରେ ଡକାଇ ପାରନ୍ତି। ରିୟା ଚକ୍ରବର୍ତ୍ତୀ କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ଆଗରେ ସ୍ୱୀକାର କରିଛନ୍ତି ଯେ ଏହି ପାଞ୍ଚଟି ବଲିଉଡ ସେଲିବ୍ରେଟ ବଲିଉଡ ପାର୍ଟୀରେ ନାର୍କୋଟିକ୍ସ ପଦାର୍ଥ ଖାଇଛନ୍ତି। ତେବେ ଦେଖିବାକୁ ବାକି ରହିଲା ସୁଶାନ୍ତଙ୍କ ମୃତ୍ୟୁ ରହସ୍ୟ ଉପରୁ କେବେ ପରଦା ଉଠୁଛି ଓ ବଲିଉଡ ର ଆଉ କେଉଁ କେଉଁ ସେଲିବ୍ରେଟିଙ୍କର ନା’ ସାମ୍ମାକୁ ଆସୁଛି ।
