ମୁମ୍ବାଇ(ଏଟିଆର ବ୍ୟୁରୋ): ଆସନ୍ତା କାଲି ରିଲିଜ ହେବାକୁ ଯାଉଛି ଶୁଭ ମଙ୍ଗଲ୍ ଜ୍ୟାଦା ସାବଧାନ ଓ ଭୂତ । ଆୟୁଷ୍ମାନ ଖୁରାନାଙ୍କ ଅଭିନିତ ଶୁଭ ମଙ୍ଗଲ୍ ଜ୍ୟାଦା ସାବଧାନ ଫିଲ୍ମଟି ସମଲିଙ୍ଗୀ ସମ୍ପର୍କ ଉପରେ ନିର୍ମିତ ହୋଇଛି । ଏହି ଫିଲ୍ମଟି ସୁଭ ମଙ୍ଗଲ ସାବଧାନର ଦ୍ୱିତୀୟ କାହାଣୀ । ଏହି ଫିଲ୍ମରେ ଆୟୁଷ୍ମାନଙ୍କ ସମେତ ଭୂମି ପେଡନେକର, ଜିତେନ୍ଦ୍ର କୁମାର, ନୀନା ଗୁପ୍ତା, ଗରରାଜ ରାଓ ପ୍ରମୁଖଙ୍କୁ ଦେଖିବାକୁ ମିଳିବ । ଫିଲ୍ମର ଟ୍ରେଲରରେ ଆୟୁଷ୍ମାନଙ୍କୁ କମେଡି କରୁଥିବାର ଦେଖିବାକୁ ମିଳିଛି । ଟ୍ରେଲରଟିକୁ ଦର୍ଶମ ମାନେ ଖୁବ ପସନ୍ଦ କରିଛନ୍ତି । ଏହି ଫିଲ୍ମଟିକୁ ହିତେଶ କେୱଲ୍ ନିର୍ଦ୍ଦେଶନା ଦେଇଛନ୍ତି ।
ସେହିପରି ଭିକ୍କି କୌଶଲଙ୍କ ଅଭିନିତ ଭୂତ ଫିଲ୍ମ ଟି ଏକ ଭୁତ କାହାଣୀ ଉପରେ ନିର୍ମିତ କରାଯାଇଛି । ଏହି ଫିଲ୍ମରେ ଭିକ୍କିଙ୍କ ସମେତ ଭୂମି ପେଡନେକର, ଆଶୁତୋଷ ରାଣା, ସିଦ୍ଧାନ୍ତ କପୁର ପ୍ରମୁଖ ନଜର ଆସିବେ । ଏହି ଫିଲ୍ମର ଟ୍ରେଲରରେ ଏକ ଜାହାଜ ଭିତରେ ଭୂତ ଥିବା ଦେଖାଯାଇଛି । ଜାହାଜ ଭିତରକୁ ଭିକ୍କି କୌଶଲ ଯାଇଛନ୍ତି ଓ ସେଠାରେ ଭୂତ ଦେଖିବାକୁ ପାଉଛନ୍ତି । ଏହି ଫିଲ୍ମକୁ ଭାନୁ ପ୍ରତାପ ସିଂ ନିର୍ଦ୍ଦେଶନା ଦେଇଛନ୍ତି । ତେବେ ଆଗାମି ଦିନରେ ଦେଖିବାର ଅଛି କେଉଁ ଫିଲ୍ମଟିକୁ ଦର୍ଶକ ମାନେ ପସନ୍ଦ କରୁଛନ୍ତି ।
