ବାଲେଶ୍ୱର ( ଏଟିଆର ବ୍ୟୁରୋ): ରାଜ୍ୟରେ ପୁଣି ୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ସ୍ୱାସ୍ଥ୍ୟ ବିଭାଗ ୱେବ ସାଇଟରେ ତଥ୍ୟ ଦିଆଯାଇଛି ।
ଚିହ୍ନଟ ହୋଇଥିବା ସମସ୍ତେ ବାଲେଶ୍ୱର ଜିଲ୍ଲାର ବୋଲି ଜଣା ପଡିଛି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୦୮ ରେ ପହଞ୍ଚିଛି । ଏହି ଅକ୍ରାନ୍ତଙ୍କ ସଂଖ୍ୟା ବଢିବା ପରେ ବାଲେଶ୍ୱର ଜିଲ୍ଲାରେ ମୋଟ ସଂକ୍ରମିତଙ୍କ ସଂଖ୍ୟା ୧୫ କୁ ବୃଦ୍ଧି ପାଇଛି । ସେହିଭଳି ରାଜ୍ୟରେ ମୋଟ ୭୨ ଟି ଆକ୍ଟିଭ କେସ ରହିଛି, ୩୫ ଜଣ ସୁସ୍ଥ ହୋଇଛନ୍ତି ।
ଗତକାଲି ୨୨୮୭ ଟି ଟେଷ୍ଟ କରାଯାଇଥିଲା । ତେବେ ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କର ଗସ୍ତ ବିବରଣୀ କଣ ରହିଛି ତାହା ମଧ୍ୟ ସ୍ପଷ୍ଟ ହୋଇନାହିଁ । ସୂଚନାଯୋଗ୍ୟ ରାଜ୍ୟରେ ଏଯାବତ ୨୫ ହଜାର ୧୦୪ ଟି ପିସିଆର ନମୂନା ପରୀକ୍ଷା କରାଯାଇ ସାରିଛି ।
