ମୁମ୍ବାଇ ( ଏଟିଆର ବ୍ୟୁରୋ): ସଲମାନଙ୍କ ଅପକମିଙ୍ଗ ଫିଲ୍ମ ଭାରତର ପ୍ରଥମ ଟ୍ରେଲର ରିଲିଜ ହୋଇଛି । ଆଗାମୀ ଜୁନ ୫ ଇଦ ଅବସରରେ ମୁକ୍ତିଲାଭ କରିବାକୁ ଥିବା ‘ଭାରତ’ର ପ୍ରଥମ ଟ୍ରେଲର ରିଲିଜ ହେବା ପରେ ଫିଲ୍ମକୁ ନେଇ ଦର୍ଶକଙ୍କ ମନରେ ବେଶ ଉତ୍ସାହ ଦେଖିବାକୁ ମିଳିଛି । ଟ୍ରେଲର ରିଲିଜ ହେବା ପରେ ସୋସିଆଲ ମିଡିଆରେ ଧୁମ ମଚାଉଛି ଭାରତ । ଯାହାକୁ ନେଇ କିଙ୍ଗଖାନ ଶାହାରୁଖ ମଧ୍ୟ କରିଛନ୍ତି ଟ୍ୱିଟ । ଶାହାରୁଖ ଟ୍ୱିଟରେ ଲେଖିଛନ୍ତି “କ୍ୟା ବାତ୍ ହେ ଭାଇ , ଖୁବ ସୁରତ’’ ଖାଲି ଶାହାରୁଖ ନୁହେଁ ଅମିର ଖାଁ ମଧ୍ୟ ଟ୍ୱିଟ କରିଛନ୍ତି
Kya baat hai bhai!! Bahut Khoob. https://t.co/0t8hQoUSbJ
— Shah Rukh Khan (@iamsrk) April 22, 2019
Osm
— Aamir Khan (@AamirKhan_7) April 22, 2019
ସଲମାନଙ୍କ ଦମଦାର ଡାଇଲଗ ସାଙ୍ଗକୁ ନିଆରା ଗେଟ ଅପ ତାଙ୍କ ପ୍ରଶଂସକଙ୍କୁ ଆହୁରି ଉତ୍ସାହିତ କରୁଛି । ସେହିଭଳି କ୍ୟାଟ ମଧ୍ୟ ଏକ ଭିନ୍ନ ଅନ୍ଦାଜରେ ନଜର ଆସୁଛନ୍ତି । ୩ ମିନିଟି ୧୧ ସେକେଣ୍ଡର ଏହି ଟ୍ରେଲରରେ ଦର୍ଶକଙ୍କୁ କେମିତି ଚଳଚ୍ଚିତ୍ର ବାନ୍ଧି ରଖିବ ତାର ସମ୍ୟକ ସୂଚନା ଦିଆଯାଇଛି । ୫୦ ବର୍ଷର ଏହି କାହାଣୀ ରେ ସଲମାନଙ୍କୁ ବିଭିନ୍ନ ରୂପରେ ଦେଖିବାକୁ ମିଳିବ । ବକ୍ସ ଅଫିସରେ ଫିଲ୍ମଟି ସୁପର ହିଟ ହେବ ବୋଲି ଏବେ ଠାରୁ ଚର୍ଚ୍ଚା ହେଲାଣି । ଏ ପର୍ଯ୍ୟନ୍ତ ଫିଲ୍ମର ଟ୍ରେଲରକୁ ୧ କୋଟରୁ ଅଧିକ ଲୋକ ଦେଖି ସାରିଲେଣି । ଏହି ଫିଲ୍ମରେ ସଲମାନ ଓ କ୍ୟାଟଙ୍କ ବ୍ୟତିତ ନୋରା ଫତେହି, ଜ୍ୟାକି ସ୍ରଫ, ଦିଶା ପଟାନୀ, ସୁନୀଲ ଗ୍ରୋବରଙ୍କ ଭଳି କଳାକାର ନଜର ଆସିବେ ।
