ନୂଆଦିଲ୍ଲୀ(ଏଟିଆପ ବ୍ୟୁରୋ): ବର୍ତ୍ତମାନ ସବୁ ସ୍ଥରରେ ନିୟମ ବଦଳିବାରେ ଲାଗିଛି । ତେବେ ବ୍ୟାଙ୍କ ସ୍ଥରରେ ମଧ୍ୟ ବଦଳିବାକୁ ଯାଉଛି ନିୟମ । ଯାହାକି ଆସନ୍ତା ବର୍ଷ ଠାରୁ ଲାଗୁ ହେବ । ବ୍ୟାଙ୍କ ଠକେଇକୁ ରୋକିବା ପାଇଁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି। ୨୦୨୧ ଜାନୁୟାରୀ ପହିଲାରୁ ଚେକ୍ ପାଇଁ ଏକ ପଜିଟିଭ ପେ ସିଷ୍ଟମ ବ୍ୟବସ୍ଥା ଲାଗୁ ହେବ । ପଜିଟିଭ୍ ପେ ସିଷ୍ଟମ୍ ଅଧୀନରେ ୫୦,୦୦୦ ଟଙ୍କାରୁ ଅଧିକ ପେଡ୍ ହୋଇଥିବା ଚେକ୍ ପାଇଁ ଗୁରୁତ୍ୱପୂର୍ଣ୍ଣ ପ୍ରକ୍ରିୟା ଲାଗୁ ହେବ । ଏହି ସିଷ୍ଟମରେ ଚେକ୍ ପ୍ରଦାନକାରୀଙ୍କୁ ଏସଏମଏସ, ମୋବାଇଲ୍ ଆପ୍, ଇଣ୍ଟରନେଟ୍ ବ୍ୟାଙ୍କିଙ୍ଗ୍ କିମ୍ବା ଏଟିଏମ୍ ପରି ଇଲେକ୍ଟ୍ରୋନିକ୍ ମାଧ୍ୟମରୁ ଚେକ୍ ବିଷୟରେ କିଛି ସର୍ବନିମ୍ନ ବିବରଣୀ ଦେବାକୁ ପଡିବ । ନୂତନ ନିୟମରେ ହିତାଧିକାରୀଙ୍କ ନାମ, ଦେୟ ପରିମାଣ ଓ ତାରିଖ ବିଷୟରେ ସୂଚନା ଦେବାକୁ ପଡିବ । ଦେୟ ପାଇଁ ଚେକ୍ ଉପସ୍ଥାପନ କରିବା ପୂର୍ବରୁ ଏହି ବିବରଣୀଗୁଡିକ ଯାଞ୍ଚ କରାଯିବ । ବ୍ୟତିକ୍ରମ ରହିଲେ ପେମେଣ୍ଟ ବ୍ୟାଙ୍କ ଏବଂ ଉପସ୍ଥାପନକାରୀ ବ୍ୟାଙ୍କକୁ ସୂଚନା ଦିଆଯିବ । ଏହାକୁ ସଂଶୋଧନ କରିବା ପାଇଁ ପଦକ୍ଷେପ ନିଆଯିବ ।
ଆରବିଆଇ ଅନୁଯାୟୀ, ଏହି ସୁବିଧା ଉପଯୋଗ କରିବା ନିଷ୍ପତ୍ତି ଆକାଉଣ୍ଟଧାରୀଙ୍କ ଉପରେ ନିର୍ଭରଶୀଳ । ତେବେ ୫ ଲକ୍ଷ ଟଙ୍କା ଏବଂ ତଦୁର୍ଦ୍ଧ୍ୱ ପରିମାଣର ଚେକ୍ ପାଇଁ ବ୍ୟାଙ୍କଗୁଡିକ ଏହି ବ୍ୟବସ୍ଥା ବାଧ୍ୟତାମୂଳକ କରିପାରିବେ। ଏହି ବ୍ୟବସ୍ଥା ଜାନୁୟାରୀ । ଜାନୁୟାରୀ ପ୍ରଥମ ସପ୍ତାହରୁ କାର୍ୟ୍ୟକାରୀ ହେବ ବୋଲି କେନ୍ଦ୍ରୀୟ ବ୍ୟାଙ୍କ ସୂଚନା ଦେଇଛି ।
ଗ୍ରାହକମାନଙ୍କୁ ଏସଏମଏସ ମାଧ୍ୟମରେ ଏ ବିଷୟରେ ଅବଗତ କରାଇବାକୁ କୁହାଯାଇଛି। ଏହା ସହିତ ବ୍ୟାଙ୍କଗୁଡ଼ିକ ସେମାନଙ୍କର ଶାଖା, ଏଟିଏମ୍ ଏବଂ ସେମାନଙ୍କର ୱେବସାଇଟ୍ ଏବଂ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ବିଷୟରେ ସମ୍ପୂର୍ଣ୍ଣ ସୂଚନା ଦେବେ । ଏହି ନିୟମ ଆସନ୍ତା ବର୍ଷରୁ ଜାରି ହେବ ଓ ଏଥିପାଇଁ ବ୍ୟାଙ୍କ ମଧ୍ୟ ଏବେ ପ୍ରସ୍ତୁତ ଆରମ୍ଭ କରିଦେଇଛି । ଏହା କେବଳ ଗ୍ରାହକଙ୍କ ଠକେଇଠାରୁ ବଞ୍ଚିବା ପାଇଁ ବ୍ୟାଙ୍କର ଏକ ଭଲ ଓ ବଡ ନିଷ୍ପତି ।
