ନୂଆଦିଲ୍ଲୀ (ଏଟିଆର ବ୍ୟୁରୋ): ଜିଓ ତାର ଗ୍ରାହକଙ୍କ ପାଇଁ ଏକ ମନ ପସନ୍ଦିଆ ରିଚାର୍ଜ ପ୍ଲାନ୍ ଆରମ୍ଭ କରିଛି । ସେହିଅନୁଯାୟୀ ଗ୍ରାହକଙ୍କୁ ପୁରା ମାସ ଯାଏଁ ମାଗଣା କଲିଂ ସହିତ ଇଂଟରନେଟ୍ ଡାଟାର ଲାଭ ମିଳିବ । ଏହାସହିତ ଆପଣଙ୍କୁ ଅଧିକ ଟଙ୍କା ବି ଖର୍ଚ୍ଚ କରିବାକୁ ପଡିବ ନାହିଁ । ଏଥିପାଇଁ ଆପଣଙ୍କୁ କେବଳ ୧୨୯ ଟଙ୍କା ରିଚାର୍ଜ କରିବାକୁ ପଡିବ । ଏହାପରେ ଆପଣ ମାଗଣା ସୁବିଧା ଉଠାଇ ପାରିବେ ।
ଯଦି ଆପଣ ଆପଣଙ୍କ ରିଲିଆନ୍ସ ଜିଓ ନମ୍ବରରେ ୧୨୯ ଟଙ୍କା ରିଚାର୍ଜ କରିବାକୁ ଚାହୁଁଛନ୍ତି, ତେବେ ପ୍ରଥମେ ଏହି ପ୍ଲାନ୍ ରେ ମିଳୁଥିବା ଫାଇଦା ସମ୍ପର୍କରେ ଜାଣି ନିଅନ୍ତୁ । ଏହି ପ୍ଲାନ୍ ରେ ଆପଣଙ୍କୁ ୨ ଜିବି ଇଂଟରନେଟ୍ ଡାଟା ମିଳିବ । ଏହାସହିତ ୩୦୦ ଏସଏମଏସ , ଜିଓ ରୁ ଜିଓକୁ ଅସୀମିତ କଲିଂ ସେବା, ଅନ୍ୟ ନେଟୱର୍କ ପାଇଁ ଏକ ହଜାର ମିନିଟ୍ ରହିଛି । ଅନ୍ୟ ନେଟୱର୍କ ପାଇଁ ଦିଆଯାଇଥିବା ମିନିଟ୍ ଶେଷ ହେବା ପରେ ଆପଣଙ୍କୁ ମିନିଟ୍ ପ୍ରତି ୬ ପଇସା ଚାର୍ଜ ଦେବାକୁ ପଡିବ । ଏହାବ୍ୟତିତ ଏହି ପ୍ଲାନ୍ ରେ ଆପଣଙ୍କୁ ଜିଓ ଆପ୍ କୁ ଆକ୍ସେସ କରିବା ପାଇଁ ସୁବିଧା ଦିଆଯିବ । ଏହି ପ୍ଲାନ୍ ର ବୈଧତା ୨୮ ଦିନ ପର୍ଯ୍ୟନ୍ତ ରହିଛି ।
