ନୂଆଦିଲ୍ଲୀ (ଏଟିଆର ବ୍ୟୁରୋ): ରିଅଲମି ତାର ନୂତନ ବଜେଟ ସ୍ମାର୍ଟଫୋନ ରିଅଲମି ସି୨୫ୱାଇ ର ପ୍ରିବୁକିଂ ଆଜିଠୁ କମ୍ପାନୀର ଅଫିସିଆଲ ୱେବସାଇଟରେ ଆରମ୍ଭ କରିଦେଇଛି । ଏହା ସେପ୍ଟମ୍ବର ୨୬ ପର୍ଯ୍ୟନ୍ତ ଚାଲିବ । ଏହାପରେ ସେପ୍ଟମ୍ବର ୨୭ ରୁ ଏହି ଫୋନର ଡେଲିଭରୀ ଆରମ୍ଭ ହେବ । ଏହି ଫୋନର ସ୍ୱତନ୍ତ୍ରତା ହେଉଛି ଏହାକୁ ୫୦ ମେଗାପିକ୍ସଲର ମେନ୍ କ୍ୟାମେରା ସହିତ ଲଞ୍ଚ କରାଯାଇଛି । କମ୍ପାନୀ ମୁତାବକ, ଏଥିରେ ୫୦୦୦ଏମଏଏଚର ବ୍ୟାଟେରୀ ଦିଆଯାଇଛି । ଯାହା ୧୮ଡବ୍ଲ୍ୟୁ ଫାଷ୍ଟ ଚାର୍ଜିଂକୁ ସପୋର୍ଟ କରିବ ।
ସେହିପରି ଯଦି ଦାମ୍ କଥା କହିବା ତେବେ ରିଅଲମି ସି୨୫ୱାଇ ର ୪ ଜିବି ର୍ୟାମ ଏବଂ ୬୪ ଜିବି ଇଂଟରନାଲ ଷ୍ଟୋରେଜ୍ ବିଶିଷ୍ଟ ଭ୍ୟାରିଏଣ୍ଟର ଦାମ୍ ୧୦,୯୯୯ ଟଙ୍କା ରଖାଯାଇଥିବା ବେଳେ ଏହାର ୪ଜିବି ର୍ୟାମ ସହିତ ୧୨୮ ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ ୧୧,୯୯୯ ଟଙ୍କା ।
