ନୂଆଦିଲ୍ଲୀ(ଏଟିଆର ବ୍ୟୁରୋ): ରାଇନାଙ୍କ ପରେ ଏବେ ହରଭଜନ ମଧ୍ୟ ଆଇପିଏଲରୁ ଓହୋରି ଛନ୍ତି । ଆଇପିଏଲ ୨୦୨୦ ଆରମ୍ଭ ହେବାକୁ ଆଉ ମାତ୍ର କିଛି ଦିନ ବାକି ଅଛି । କିନ୍ତୁ ଚେନ୍ନାଇ ସୁପରକିଂଗ୍ସ ଅଡୁଆରେ ପଡିଯାଇଛି । ଟିମର ସମସ୍ୟା ବଢି ଚାଲିଛି , କରୋନା ପରେ ଜଣେ ପରେ ଜଣେ ଖେଳାଳି ଆଇପିଏଲର ଏହି ସିଜନ ନ ଖେଳିବାକୁ ନିଷ୍ପତ୍ତି କରୁଛନ୍ତି।ସୁରେଶ ରାଇନାଙ୍କ ପରେ ଚେନ୍ନାଇ ସୁପରକିଂଗ୍ସର ବୋଲର ହରଭଜନ ସିଂହ ମଧ୍ୟ ଟିମରୁ ବାହାରି ଯାଇଛନ୍ତି । କିଛି ବ୍ୟକ୍ତିଗତ କାରଣ ଦର୍ଶାଇ ସେ ନିଜକୁ ଆଇପିଏଲ ସିଜନରୁ ଦୁରେଇ ଦେଇଛନ୍ତି ।
ସଂଯୁକ୍ତ ଆରବ ଇମିରେଟ୍ସ ଯିବା ପୂର୍ବରୁ ଚେନ୍ନାଇ ସୁପରକିଂଗ୍ସ ଟିମ ପାଇଁ ତାମିଲନାଡୁ ଚେପୁକରେ ୫ ଦିନିଆ ଟ୍ରେନିଂ କ୍ୟାମ୍ପ ଥିଲା । ହରଭଜନ ସିଂହ ଓ ଅଲରାଉଣ୍ଡର ରବୀନ୍ଦ୍ର ଜଡେଜା ସେଠାରେ ପହଞ୍ଚିନଥିଲେ । ଜାଡେଜା ଟିମ ସହ ୟୁଏଇ ପହଞ୍ଚିଥିଲେ କିନ୍ତୁ ହରଭଜନ ସିଂହ ଭାରତରେ ହିଁ ଥିଲେ । ହରଭଜନ ନ ଖେଳିବାକୁ ନିଷ୍ପତ୍ତି ନେଇଛନ୍ତି । ଟିମର ଏପରି ଅବସ୍ଥା ଦେଖି ଫ୍ୟାନ୍ସମାନଙ୍କ ତରଫରୁ ଅସନ୍ତୋଷ ପ୍ରକାଶ ପାଇଚି । ତେବେ ଟିମ ଭଲ ଭାବେ ଅଭ୍ୟାସ ଜାରି ରଖିଛି ।
