ନୂଆଦିଲ୍ଲୀ(ଏଟିଆର ବ୍ୟୁରୋ): ଆଇଫୋନ ସବୁଠାରୁ ମହଙ୍ଗା ଓ ଏହାକୁ ଚଲାଇବା ପାଇଁ ପ୍ରାୟ ସମସ୍ତେ ପସନ୍ଦ କରନ୍ତି । ଆପଲ୍ ମଧ୍ୟ ନୂଆ ନୂଆ ଆଇଫୋନ୍ ମାର୍କେଟରେ ଲଞ୍ଚ୍ କରୁଛି । ଅନେକ ଏହି ଫୋନକୁ ନକିଣିଲେ ମଧ୍ୟ ଏହାର ଫିଚର୍ ବିଷୟରେ ଅବଗତ ରହିଥାନ୍ତି । କାହିଂକିନା ଏହାର ଫିଚର ବହୁତ ଆକର୍ଷଣୀୟ ରହିଥାଏ । ତେବେ ଆଇଫୋନ -୧୨ ମାର୍କେଟକୁ ଆସିବାକୁ ଯାଉଛି । ଏହି ଫୋନ୍ ଅକ୍ଟୋବର ୧୩ରେ ଲଞ୍ଚ୍ ହେବ ବୋଲି ସୂଚନା ମିଳୁଛି । ଲଞ୍ଜ ତାରିଖ ପରେ ଆଇଫୋନ୍-୧୨ର ପ୍ରି ଅର୍ଡର୍ସ ବା ପ୍ରି ବୁକିଙ୍ଗ ଆରମ୍ଭ ହେବ । ଏହା ଅକ୍ଟୋବର ୨୩ରୁ ମାର୍କେଟରେ ଉପଲବ୍ଧ ହେବ ।
ତେବେ ଜାଣନ୍ତୁ ଏହାର ଏହାର ଦାମ୍ ଓ ଫିଚର୍ସ ବିଷୟରେ –
ରିପୋର୍ଟ ଅନୁସାରେ, ଆଇଫୋନ୍-୧୨ର ଦାମ୍ ଆଇଫୋନ୍-୧ଠୁ ଅଧିକ ରହିବ । ଏଥିରେ ୫ଜି ସପୋର୍ଟ ରହିବ । ସେହିପରି ଏହାର ଦାମ୍ ୬୯୯ରୁ ୭୪୯ ଡଲାର ମଧ୍ୟରେ ରହିବ । ଏଥିରେ ୬୪ ଜିବି ଷ୍ଟୋରେଜ୍, ୧୨ ଏମପିର ତ୍ରିପଲ୍ କ୍ୟାମେରା, ୬.୧ ଇଞ୍ଚ୍ ଡିସପ୍ଲେ ରହିଛି । ଏହାର ରାମ୍ ମଧ୍ୟ ୬ ଜିବି ।
ତେବେ ଆପଲ ଆଇଫୋନ୍ ୧୨ ସହ ଆଇଫୋନ୍-୧୨ ପ୍ରୋ ମଧ୍ୟ ଲଞ୍ଚ୍ କରିବ । ଏହାସହ ଆଇଫୋନ-୧୨ ପ୍ରୋ ମ୍ୟାକ୍ସ ଓ ଆଇଫୋନ-୧୨ ମିନି ମଧ୍ୟ ବଜାରରେ ଉପଲବ୍ଧ ହେବ । ଏହାର ଅତି ଖାସ ଫିଚର ପାଇଁ ଗ୍ରାହକ ଉତ୍ସାହିତ ଅଛନ୍ତି ବୋଲି ଜଣା ପଡିଛି ।
