ଭୁବନେଶ୍ୱର (ଏଟିଆର ବ୍ୟୁରୋ) ; କେରଳର ପ୍ରଳୟଙ୍କାରୀ ବନ୍ୟା ଏବେ ଗମ୍ଭିର ରୂପ ଧାରଣ କରିଛି । ରାଜ୍ୟରେ ବନ୍ୟାଜନିତ ମୃତ୍ୟୁ ସଂଖ୍ୟା ୩୨୪ ରେ ପହଞ୍ଚିଲାଣି । ଏବେ ବି ହଜାର ହଜାର ଲୋକେ ଜଳବନ୍ଦି ଅବସ୍ଥା ରେ ଅଛନ୍ତି । ରାଜ୍ୟର ମୋଟ ୧୪ ଟି ଜିଲ୍ଲା ମଧ୍ୟରୁ ୧୩ ଜିଲ୍ଲା କୁ ରେଡ ଆଲର୍ଟ ଘୋଷଣା କରାଯାଇଛି । ସେପଟେ କେରଳ ମୁଖ୍ୟମନ୍ତ୍ରୀ ଏହି ବନ୍ୟାକୁ ବିଗତ ୧୦୦ ବର୍ଷର ସବୁଥାରୁ ବଡ ବନ୍ୟା ବୋଲି ଟ୍ୱିଟ ଜରିଆରେ ଜଣାଇଛନ୍ତି । ବନ୍ୟା ଯୋଗୁ ରାଜ୍ୟର ୩୩୯୩ ହେକ୍ଟର ଫସଲ ନଷ୍ଟ ହୋଇଥିବା ଜଣାପଡିଛି । ସେହିପରି ବନ୍ୟାରେ ୨୮୫୭ ଟି ଘର ସମ୍ପୁର୍ଣ୍ଣ ଭାଙ୍ଗିଯାଇଛି । ଅନ୍ୟପଟେ କେରଳରେ ପିଇବା ପାଣିର ମଧ୍ୟ ଘୋର ଅଭାବ ଦେଖାଦେଇଛି ।
ତେବେ କେରଳର ଏହିୁ ପ୍ରଳୟକାରି ବନ୍ୟାରେ ଏବେଯାଏ ରାଜ୍ୟର ପ୍ରାୟ ୮ ହଜାର ୩୧୬ କୋଟି ଟଙ୍କାର କ୍ଷତି ହୋଇଥିବା ଜଣାପଡିଛି । ଲଗାଣ ବର୍ଷାରେ ରାସ୍ଥା ଧୋଇଯାଇ ନଷ୍ଟ ହୋଇଯାଇଛି । ରାଜ୍ୟରେ ଗମନା ଗମନ କ୍ଷେତ୍ରରେ ବାଧା ସୃଷ୍ଟି ହୋଇଛି ।
କେରଳ ବନ୍ୟା ପିଡିତଙ୍କ ପାଇଁ ଓଡିଶା ର ମୁଖ୍ୟମନ୍ତ୍ରୀ ୫ କୋଟି ଟଙ୍କା କେରଳକୁ ପ୍ରଦାନ କରିଛନ୍ତି । ସେହିପରି କେନ୍ଦ୍ର ସରକାର ପ୍ରଥମ ପର୍ଯ୍ୟାୟରେ କେରଳକୁ ୧୦୦ କୋଟି ଟଙ୍କା ପ୍ରଦାନ କରିଛନ୍ତି । ପଞ୍ଜାବ ମୁଖ୍ୟମନ୍ତ୍ରୀ ଙ୍କ ପକ୍ଷରୁ ମଧ୍ୟ ୧୦ କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଛି ।
