ଭୁବନେଶ୍ୱର (ଏଟିଆର ବ୍ୟୁରୋ): ଆଜି ଓଡିଶା ଗସ୍ତରେ ଆସୁଛନ୍ତି ବିଜେପି ରାଷ୍ଟ୍ରୀୟ ସାଧାରଣ ସଂପାଦକ ରାମ ମାଧବ । ସେ ଆଜି ସକାଳ ୯ ଟାରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବେ । ବଜେଟ ଉପରେ ହେଉଥିବା ଏକ କାର୍ଯ୍ୟକ୍ରମରେ ଯୋଗଦେବେ ରାମ ମାଧବ । ପାର୍ଟି କାର୍ଯ୍ୟାଳୟରେ ଏହି ବଜେଟ କର୍ମଶାଳା ହେବ । ଏନେଇ ଅପରାହ୍ନ ୧.୩୦ରେ ଏକ ସାମ୍ବାଦିକ ସମ୍ମୀଳନୀରେ ସେ ପ୍ରତିକ୍ରିୟା ରଖିବେ । ଏନେଇ ସୂଚନା ଦେଇଛନ୍ତି ବିଜେପି ମୁଖପାତ୍ର ସୁଦୀପ୍ତ ରାୟ ।
ଆଜି ହେବାକୁ ଥିବା ସାମ୍ବାଦିକ ସମ୍ମିଳନୀରେ ରାମ ମାଧବଙ୍କ ସମେତ ବିଧାୟକ, ସାଂସଦ ଓ ଜିଲ୍ଲା ପରିଷଦ ମାନେ ଉପସ୍ଥିତ ରହିବେ ।ସୂଚନାଯୋଗ୍ୟ ଗତକାଲି ରାଜ୍ୟ ବଜେଟ ଉପସ୍ଥାପିତ ହୋଇଛି । ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଅପରାହ୍ନରେ ବଜେଟ ଉପସ୍ଥାପିତ କରିଛନ୍ତି । ଚଳିତ ବର୍ଷ ସର୍ବମୋଟ ରାଜ୍ୟ ବଜେଟ ୧ ଲକ୍ଷ ୫୦ ହଜାର କୋଟି ରହିଛି ।
